肥丸用尿墊

講開又講，搬屋後習慣左早晚都帶肥丸落街，所以佢就唔再o係屋企開大開細，

變左無論打風落雨，我都要同佢落街痾，其實都想 train 番佢用尿墊，但無奈佢始終唔肯．

不過早排天氣開始凍，我同肥丸好多時都 over-slept，就算我起左身，

隻肥o野都仲係繼續訓，唔願起身，咁我都知o係被竇訓到暖笠笠比人摷醒係好殘忍o既事，

但我又唔想佢忍尿．

於是，上星期某日，我試下鋪張尿墊o係廁所度，肥丸以為有新玩意，

走去撕爛晒墊底張報紙，仲撕到好開心，我追佢，佢又以為我同佢玩，

d 狗狗開心興奮就會有便意，追追下，個傻仔真係走去張尿墊度痾尿，開心到我飛起．

(失圖)

第2朝起身，本來諗住尋日只係好彩，如果今次唔痾，就要照舊同佢落街痾，

我仲換定衫諗住出門口，不過姑且試下同肥丸玩撕報紙，

點知佢真係玩到興奮就走去尿墊度痾，YEAH!

  到左第3朝，我又係諗尋日只係好彩，如果今日唔痾一樣要同佢落街，

點知肥丸今次仲醒，食完早餐，玩2玩就自動自覺去尿墊度痾；到左今個星期，

每朝食完早餐，有時佢會自己去尿墊痾，如果我見我差唔多出門口番工佢都未痾，

我就會同佢玩一陣追拖鞋，然後帶佢去廁所，佢就明白要尿尿，好乖仔，

唔使我再擔心佢要忍到夜晚放工先可以痾．