聖誕宿一宵 (嫩辦肥丸)

空肚上山真係好唔掂，行到大家打晒鼓．

一到餐廳，就即刻order左份美式早餐．

我一路食，肥丸就一路o係檯底等．

見餐廳o既佈置唔錯，又忍唔住影番幾幅，
我部DC真係唔多掂，爆晒光．

好彩有歌王幫我補飛

跟手就要番歸lu，肥丸顯得有點依依不捨．

咪唔開心啦，回歸路上，有好多美食等住我地架，
今次搵到間 "阿媽豆花"．

阿媽果然比阿婆更滑溜

連布甸都話:掂 !

斬下眼又到左午餐時間，本打算嘆茶食點心，但我地今日晏左D，
點心一早售罄，惟有幫襯番上次果間酒家． 
行到酒家門前，噢賣桔！竟然比我見到隻 "嫩辦肥丸"Kawaii 呢！

即時起清佢個底，資料如下: 名叫毛毛，男生，3歲
(但keep 得好young，得4kg，似幾個月大)

仲係生果檔台柱，深受街坊 & 遊客歡迎．

真係想 "偷毛轉丸"

將肥丸擺入生果箱頂包

可惜檔主話唔收貨

比人拒絕o既打擊真係好大，惟有以食物去填飽空虛o既心靈 & 肚腩．

 粟米魚肚羹

白灼蝦

豉椒炒蜆

豆腐蒸帶子

清蒸海上鮮

白菜仔

咸魚雞粒炒飯

飽晒，希望下次去玩又再見到毛毛!