家居意外

自搬遷後，都無再起爐作法，
早兩個月，公司附近開左間烘焙材料公司，
終於的起心肝走上去買左包全麥麵粉，希望可以重燃起心中阿茂果團火~

(失圖)

今次打算整紫番薯餅

(失圖)

所有材料先要經過肥丸QC

先將番薯煮稔

(失圖)

然後去皮

(失圖)

壓成番薯蓉，再加入蛋漿，麵粉，…

(失圖)

當粉糰差不多ready，就準備預熱焗爐

(失圖)

但屋內TV，跳字鐘，檯燈，… 突然停頓，經驗告訴我先要檢查socket，
正當我移開TV櫃之際，後尾枕被硬物重擊，
原來是放在櫃頂那個"實木製的畫鐘" 因我移動而墜下，打得我滿天星斗．

好在臨危不亂，即時打電話向維修部總管求助，
誰料一個玻璃瓶又由高處墮下，幸好沒有落在我的頭頂，
否則肯定頭破血流．

(失圖)

跟著，依指示修好了家中的電源，據總管推測可能是焗爐漏電，不敢再使用．
眼見已搓好的麵糰就此化為烏有，實在心有不甘，於是乎嘗試用蒸的方法．
竟然掂左，雖然賣相麻麻，但有超級fans肥丸作為後盾，實會幫我搞掂!

(失圖)

至於肥丸呢，本來守住個焗爐o既佢，一見世色唔妥就即刻閃左上床，
靜觀其變，旨意佢保護我就真係屎硬，
都係時候要考慮下裝番個平安鐘先至得o勒．