食飽就瞓大懶貓

時間過得好快，隻大懶貓已經黎左個多星期．

見佢同媽媽都開始互相適應，所以就局部開放比佢自由行．

（局部o既意思係，日間開放，晚間要佢番籠瞓．）

點解我叫佢做大懶貓呢，就係因為佢除左食就係瞓，

就算打開晒門，佢都係寧願番籠入面zzzZZZ，

有時仲瞓到死蛇爛鱔咁．

媽媽話可能佢流浪o既日子，成日要避開ｄ野狗，

從來無好好瞓過，所以而家要瞓番夠本．

咁而家就請大家欣賞下佢o既睡姿，

真係超級騎呢無儀態!