謎底終於解開

某一個星期六，有幾個姐姐哥哥帶左ｄ野黎我屋企．

佢地o係窗台僭建左間籠屋，氣氛有ｄ緊張，

因為窗台好高，我咩都睇唔到，

但從果日開始我就成日聞到果度有ｄ好香ｏ既野食味道．

我終於忍唔住跳上去睇下發生咩事，OMG!  典解有隻貓貓o係窗台架???

媽媽，你可唔可以解釋下呀！

但貓咪流浪果條村黎左ｄ野狗，已經先後咬死左幾隻貓貓，

如果原地放回，貓貓就會好危險．

雖然媽媽有ｄ怕貓 (2年前佢o係街執過1隻都唔敢養)，

但經過2年o既心理輔導 (係佢自己輔導自己喎)，

加上探左貓貓幾次，見佢性格幾穩定 (即係無我咁神經質)，

所以決定領養佢 (膽搏膽!)!

好啦~ 既然大家都曾經蒼海，我就嘗試下接受你啦，

只要唔好對我飲食質素&份量有影響就得o勒!

果然係乖貓，對住成碗濕糧都無興趣食，

哈~哈~ 今次發達喇~  媽媽知道我最中意執人口水尾!

典知一轉頭佢就清左個兜，

初黎報到第一餐使唔使食得咁干淨呀? ? ?

然後佢仲瞓著左添，媽媽話好難得貓貓適應得咁快，

有d貓轉環境幾日唔食唔飲水架喎．

好快到左第2朝，貓貓仲係好緊要．

不過緊張還緊張，佢竟然好好胃口．

只係食完就縮埋一舊

對住ｅd 咁察得o既 room-mate，真係令我好沮喪!

我要佔領企缸與馬桶之間條 gap，以宣示我o既不滿!!!