阿茂整餅之 "盆栽蛋糕"

母親節前夕拉大隊去做阿茂
題目係：盆栽蛋糕

（但其實同蛋糕好似無咩關係囉）

Ｅ班都算多人學

材料係幾塊朱古力

首先要用熱水座暖

搞下搞下等Ｄ朱古力溶晒

就可以開始“油”落紙杯內籠，先油個底，再一筆一筆油杯身．

然後等佢乾透

與此同時，就用加左食用色素o既butter cream 唧花．

唧花對手要定，試多幾次就自然會靚架喇．

我第一次唧都算及格啦

之後，同其他同學o既花花拎去雪．

趁 e 個時間，就幫個朱古力杯脫模．（切記要細細力慢慢續少續少咁meet）

*我其中一個都裂左用唔到

e d 就係朱古力杯入面o既材料 (i.e. 棉花糖, 忌廉, 餅碎)

亦即係花泥

先唧一層cream在底，跟住係棉花糖，再加層cream，
然後最面層灑上餅碎 (約8分滿都OK架喇），
另一盆係綉球花，o係面加個蛋糕仔．

一盆加上玫瑰花，唧幾塊葉點綴，
另一盆綉球花，用星型唧咀一粒一粒唧上面．

入埋個禮盒，就係最佳o既母親節禮物! Y E A H!

柴柴娃學整餅，成班阿茂幾開心．