首爾 -- ACACIA + 東大門

其實今次首爾之旅係無心插柳

話說本來計劃去日本，但機票酒店搞來搞去都唔掂， 
無啦啦竟然on-line book到個首爾package， 反正只想外遊幾天，無咩特別要求， 
confirm 後先知踏正紅葉季節，真係夾都無咁岩．

住宿方面，韓友建議住東大門，因為交通便捷， (對於我來說是複雜，
因為係幾線地鐵線的交匯， 若出錯出口就大鑊，最可怕地鐵係無電梯，
上上落落，我真係feel到自己對腳行到震!!! 

做人要在錯誤中學習，錯得多，我慢慢get到箇中橋妙， 總之認住顏色，
認住出口，就會減少行上行落的機會． 曾經諗過住民宿，但位置較偏，
而且見好多人都話房間細到連ｏ匧都開唔到， 咁ｏ既年紀無謂辛苦自己，
於是book左間在乙支路的酒店．

酒店就在轉角位，但我忘記影大門的照片， 房間企理干淨，
缺點係個窗的設計好古怪， 房間光線不足，以及沒有全身鏡．

酒店外的街景

休息梳洗，跟著便往東大門搵食兼shopping，行左hello apM 及 Migliore 2個商場，
但感覺似旺角中心 及 香工 混合體，D款又唔係特別吸引，又要件件問價，
所以行左兩層就無心機了．

Doota 係較高檔次的商場，入面TonyMoly 的華語sales超寸，
聽聞明洞/樂天免稅店…等商店都唔憂，sales 態度超差，所以縱使有discount，
我都沒有去免稅店消費 (兼睇人面色)．

在 hello apM 背面，巧遇 Issac 三文治，奇怪係我同朋友都不約而同話唔肚餓，
求其食件三文治當diner都得．
(相信同'餓底'去旅遊，必定無可能!)

阿珠媽接過order，熟練地做好2客美味三文治
@ 2,800 / 份，超超超值!!!

補充資料: “ACACIA”
1號線(紫色) 鐘路5街 (即廣藏市場外圍)
2號線(綠色) 乙支路4街 #6出口 (酒店大門前)
4號線(藍色) 東大門歷史文化站 #10出口 (即Hello apM 斜對面)
5號線(紫色) 東大門歷史文代站 #6出口 (轉右, 過馬路向Ramada直走)