第一個糖果口金

這款是糖果口金框，大大粒好似糖一樣，容易配搭，
做簡單的2片式都非常可愛．

素食煮意 -- 日式燒鰻魚3食（早，午，晚餐）

另一款為大家介紹的是 – 日式燒鰻魚 

估唔到連燒鰻魚都有（還附送燒鰻魚汁）

[晚餐] 把素魚扒煎香，西生菜略汆水，

上碟後，淋上燒鰻魚汁便成．

雖然素材料的售價有時會較肉類貴，但一包的份量其實頗多

最簡單莫如，加入時菜/豆類/菇類，又或放湯煮麵 / 米粉，… 

通常一包都可以分幾餐食，例子如下：－

晚餐淨下的鰻魚塊可以加入炒麵，明天帶回公司作午餐

(失圖)

另外2片可當魚扒夾麵包，魚扒包當早餐，掂呀！　

P.S. 前星期，我連續吃了２天半素，本星期素食亦踏入第３天，
起初我也怕不能自制，但原來只要有心就能做到；
當然我個人的飲食習慣不能改變些什麼，但自我感覺良好，
>內心平和，已經是有所得著了．

木糠布甸>米糠凍餅

想整木糠布甸好耐，但成日唔記得買煉奶，今日買齊材料，開工！

材料: 
瑪利餅(或現成餅碎)150g   淡忌廉150g煉奶15 -20g

(optional)

雲呢拿條 1條 (取出籽備用)或 雲呢香油 1茶匙，砂糖 少許．

1) 將馬利餅打成餅碎 (可按喜好加入可可/美祿/阿華田)

2) 將淡忌廉打至企身，再分2次加入煉奶，打至奶昔狀．

3) 將打好的忌廉放入唧袋

4) 將餅碎鋪在餅模/容器的底部，略為壓平，成為餅底；然後唧上忌廉，

再鋪一層餅碎，再唧忌廉，如是者一層一層，用梅花間竹的方法鋪滿容器，

然後放入冰箱內，待冷凍後即成．

＊食譜教加入雲呢拿籽/雲呢香油，我懶＋慳皮，無買，但一樣勁滑勁好食．

一層餅碎一層忌廉，梅花間竹好靚呢． 

仲整個個凍餅，少年食家話非常掂呀！

手機套 + 口金 set

這是送給朋友的口金作為生日禮物

朋友話想要多個手機套，配成1 set，

我用同款的布料做了一個長方形的手機套，希望合用．

素食煮意 -- 西蘭花磨菇炒羊肉丸

曾經看過一篇文章，大致係話人的舌頭只有幾公分長，
我們為了滿足那長在幾公分舌頭上的味蕾而大開食(殺)戒，…．

多年以來，星期三是我的素食日，老實說，我是個食肉獸，當初很不習慣，

怕素食不能飽肚，素食不夠營養，…．其實素食有很多好處，

除了為自己及所愛的積一點福，也可讓消化系統休息淨化，對腸胃，

皮膚及精神都有正面的幫助．

可惜以我嗜食的性格，估計不能完全素食，但若能增加素食的餐數，

每星期盡量吃兩至三天的素菜，和朋友或出外時則隨意吃，

那麼就較容易適應了．

我家附近本來有間買齋的，以往星期三便買些酸齋/辣齋/素雞素鵝等，

伴麵或米粉便可，方便簡單，但齋館上月突然結束，想吃就惟有親自下廚了．

別以為素食很寡，除了部份超市有素點出售外，

永安及吉之島的超市也有些特別的素材料，

i.e. 燉羊肉，燒鰻魚，香妃雞，…，

做起素菜來便可以有較多變化，亦不失肉味 (岩晒齋口唔齋心的我)．

今次為大家介紹 – 西蘭花磨菇炒羊肉

  

這款素羊肉是在永安超市買的

（那裡還有很多其他口味，例如：燒鰻魚，香妃雞，素叉燒，素肉腸，… 等）

素羊粒解凍後汆水再下鑊炒（加素蠔油或其他調味）

西蘭花烚熟，加入磨菇（我懶，用了罐頭切片磨菇）

然後上碟就搞掂 

手工月餅大曬冷

農曆七月都未到就收到朋友詢問“圓丸月餅”的製作方法．

其實2年前已把製作過程放在blog上，但可恨的yahoo upgrade後就delete晒d相，

單睇文字好難明白，難得有人獨具慧眼，欣賞本人之‘傑作’，

咁我就剪剪貼貼重整過篇舊 blog (但d相唔連戲架，請見諒)．

欲看製作特輯，請click入: 地獄廚房 - 冰皮芝士月餅 地獄廚房 - 薯蓉南瓜月餅

反正摷開相，等大家重溫一下當年的 '傑作'．

祝大家花好月圓

每日都開開心心

圓圓滿滿

家肥屋潤

財源滔滔不絕

食餅，食餅!

圓丸投訴："我寧願要件真餅，起碼都頂得下肚!"　

半自助慶生

今年計劃大壽出外旅行，因此提早慶生，
朋友選了間歷史(同我一樣咁)悠久的餐廳，最妙係有八折優惠，fit 晒！

半自助式的晚餐，沙律，餐湯 & 甜品任食．

Salad bar

甜品款式也不少

麵包都有好多款，自己焗更加新鮮熱辣．

餐湯有西式 及 中式兩款選擇

這是我的頭盤，當中包括"開飯"推介的雞翼尖．

朋友的比我豐富好多!

main course都有8樣可選擇，我地選了羊架和西冷．
+$20 便有焗田螺，但我地無1個記得order．

其實食食 main course 都已經好飽，甜品雖多，

但我地只食一小杯jelly．

最令我happy係格仔餅，再 + 2個雪糕球．

藍莓cheese cake 就唔好食

最近再整多個芒果布甸
其實仲想試埋雪梨糖水，不過朋友話我食得太多，所以放棄左．

食店評分:
環境  x 2.5   座位佈置都有點陳舊
服務  x 3   都唔錯
食物  x 3.5   食物質素中規中舉，refill 得幾快，格仔餅甚有HK特色．
價錢  x 3.5    以咁o既價錢o係旺區酒店食，都算超值!

小島怡情之吉澳東坪洲(3)

離開吉澳，便向東坪洲進發．

由於時間關係，今天的行程只由碼頭行至更樓石．

沿岸都是飽歷風霜，被侵食而形成的岩石．

剝落的岩石只供影相，不可帶走．

這個角度可以更清楚看到頁岩的特質 >> 一層一層
(失圖)

身為一個專業磨刀，面對幾部不同角度的相機都神態自若．

這個角度好有氣勢

步行約半小時，便到達更樓石．

遊人小心奕奕往石上爬

但我們只在遠距離欣賞及拍照

驚險的大合照

回程在碼頭看到被沖上岸的海膽，好心人把他放回海中．

登船前，我也遇到碼頭狗，把帶備的罐頭及麵包奉上，

看牠食吃津津有味，我比牠更滿足．