絕版飲食貓狗

唔知係咪近日媽咪轉型講飲講食，仰或大家見我精伶肥美，
竟然有人邀請我地一齊炮製狗狗飲食專欄
(當然係媽咪出手[寫]，我出口[食])．
咁今日就小試牛刀帶大家去試下新菜式，睇下市場反應如何．

一埋位就霸住檯底，皆因果個位係最容易執到死雞．

叫左個熱狗＆青檸soda，淨係賣相已相當吸引．

見我地又長鏡又短鏡，廚房製作得特別認真，仲+埋薄荷葉添．

e 個組合，無論個look 同味道都配合得唔錯．

是日例湯係，又甜又滑的南瓜湯．

香脆蒜容包

燒羊脾配意粉

飲品就叫左紫貝天葵，杞子菊花茶．

我想試下佢地o既甜品， 所以叫左，蛋白杏仁茶，
超足料，好多蛋白， 好勁杏仁香味．

食店評分:

環境 x 3.5 室內室外o既環境都超正

服務 x 3 老闆娘&伙計都非常nice

食物 x 3.5 用心煮食, overall 各樣菜式都滿意

價錢 x 3 合理

雖然媽咪同我都好中意飲飲食食，但我地作風向來低調，

正所謂：'人怕出名 怕肥'，加上每期出書實在 '壓力大，易捱壞'，

所以惟有婉拒人家好意，繼續嘻嘻哈哈過日晨仲好過．

咁即係話ｅ期就成為絕版o既飲食貓狗，大家要好好珍藏呀．