搵食在南丫

e 篇 blog 久久未能出街o既主要原因，
係我唔知應該列佢入"郊遊篇" 定係 "至冧飯局" 至岩，
我地的而且確係去左郊外，但事實又無咩"遊"過，
只係知道同行每一位都食到好冧． 

事發當日大家難得見到天朗氣清

於是約埋一齊柴娃娃出發

上得船喇 ~

今日風大浪高，我地又要坐船頭pet zone．

(失圖)

一個浪打埋黎嚇到肥丸眼都凸

落左船拿拿林去食d o野定定驚

一係唔坐  一坐落就咄事  

d食物熟口熟面唔使我多介紹

(失圖)

(失圖)

(失圖)

(失圖)

雖然肥丸依然眼凸凸， 但好明顯此凸不同彼凸，此乃 "開心為食之凸"．

其實本來我地唔係諗住食咁多，但食食下突然橫風橫雨，
為左避雨，我地先至會越叫越多．

(失圖)

最後係千呼萬喚，始出爐的鳳爪 >> 不過味道麻麻．

(失圖)

見雨勢減弱我地就動身，行左無耐就見到名聞的 '阿婆豆腐花'，
但今日阿婆休息由阿公主理．

唔知係咪阿公o既功力未夠，今日o既豆花好唔掂，好散爛容容咁樣．

連狗狗都唔吼

KO 左碗難o肯o既豆花， 繼續行去香草原，
噢賣桔~ 而家連香草原都唔比狗入o拿，
想當年我同肥丸仲o係入面同d 兔兔影相 & 嘆花茶bor．

等我仲一心諗住去嘆番杯花茶， 點知好夢成空，退而求其次，
去食cheese cake !

 e 間 '開飯' 勁讚

我地隨意揀左幾款唔同口味 一致，認為豆腐味道最清最好食．

士多啤梨都好唔錯

e件完全唔似薰衣草 (我以為會係紫色)，
但吞落肚後，個口就留有薰衣草香味，好特別．

嘆完下午茶又係時間起錨回航 lu ~

e 隻金毛好叻仔， 擔住支水，自己去遊船河．