快閃馬交遊 (Part 2)

開心o既時間過得特別快，斬下眼已經午飯時間，大家一致投葡菜一票．

其實附近都有好幾間葡國餐廳，但'開飯'食評一半一半，為免o賴o野，都係去番福龍穩陣，
因為上兩次食過覺得唔錯，而E 1 餐亦果然無令我地失望．

一如以往，先黎豬仔包 & git 花牛油．

(失圖)

率先登場o既係-- 西洋腸炒椰菜

我極力推介的 厚切芝士包

食過番尋味的忌廉馬介休

跟住就order 左d 未試過的菜式

葡式炒蜆 -- waitress 話係菲律賓花甲，我就十分欣賞個汁，
 酸酸地好醒胃v 蜆肉亦好鮮甜．

焗鴨飯 -- 面層係脆pok pok o既飯焦

內裡暗藏鴨絲 正!

惹味o既紅酒焗牛尾

唔想side左d 咁好味o既汁，我地又order左客蒜蓉包黎食．

因為上次拎左福龍張咭片，所以今次送甜品 -- 木槺布丁，
味道麻麻，製作求其 d cream 唔夠實，布丁亦唔係一層cream一層木槺咁鋪排．

食畢葡餐，本想去'添發記'魚翅漱口，
但同行友人都話戒翅，咁我當然十卜．

食店評分:

環境 境 x 3.5 裝修得幾好，坐位亦夠闊落．
 服務  x 3 招呼唔錯
食物  x 3.5 食左幾次都能保持水準
價錢 x 3 除左馬介休，overall 都算合理 ．

 * 碟馬介休份量一般，但價錢=$198+10%
 雖然好食， 但貴左d bor~．

搵食小tips: *烤乳豬要sat/sun 晚市先供應 ** 預先訂位，就有甜品送．