忽然慶生 + ABC

幾位朋友突然話要同我慶生，
咁25年前有位美女誕生確實又真係可喜可賀o既． 

身為壽星女，係咁2都要有d準備．

e個就係主腳 -- 綠茶豬古力cake o勒

(失圖)

不過肥丸好似唔多欣賞

一邊唱生日歌，一邊切蛋糕，祝願大家人狗貓都身體健康．

(失圖)

掃完場就要趕去ABC，E 間坐落於熟食中心的意大利餐廳非常full．

先有自製麵包 -- 好食

(失圖)

大家岩岩先食完個cake唔太肚餓，所以叫左香草芝士pizza -- 批底超薄 脆卜卜．

(失圖)

必食o既西班牙燒乳豬

(失圖)

解身體後 -- 豬皮燒得脆卜卜，但味道我就覺得咸左d．

(失圖)

一至好評的菠菜羊奶芝士雞卷

(失圖)

西班牙海鮮飯 --
雖然材料多，份量亦足，但我覺得 d 飯o既味道有d 怪，唔太接受．

(失圖)

食到尾聲，本來想order 甜品，但我對是日甜品menu 興趣麻麻，
加上隔離間潮州食店又太好鑊氣，搞到滿場油煙，所以決定放棄．

食店評分:

環境 x 2.5 熟食中心格局，唔好期望太高
服務  x 3 招呼一般
食物  x 2.5 可能我始終都係中意亞洲美食，唔多識欣賞歐洲食品
價錢  x 3 以熟食中心黎講就算貴，但以意大利餐黎講就抵食．

後記，今日收到o既禮物，典解都係比肥丸o既． 

(失圖)