Osaka 出發篇

今次衝出HK的目的地係 – 大阪

其實前年已經想去大阪，但一見到佢o既交通圖就頭都痛，

所以果年轉軚去左首爾．但近日日元跌成咁，好大吸引力．

我出發前依然對佢o既交通網絡一片迷茫，加上佢有Ｎ種交通優惠，

對於有選擇困難的我，更加雪上加霜！

終於到左出發日期，但點解一幅航班上的照片都無呢？

第一係我帶左相機，但忘記拎張記憶咭，

第二係今次坐廉航，連水都無滴，

所以一上機我就瞓到不醒人事．

到埗喇~ 先去換南海機鐵 Rapi:t ticket

＊我後來覺得其實唔需要在HK預買

因為南海不時都會推出優惠，而且回程時換票要行好遠，

個人認為當時買最快開出的列車，反而更便捷．

Ｅ架就係人稱 "鐵人28" 的 Rapi:t 列車

內籠好舒服，服務員友善殷勤，

由機場去到難波只係40mins左右．

難波係主要的轉車站，人頭湧湧，我地先要買ICOCA．

 (ICOCA類似 HK 8達通，用幾多扣幾多，好過左度右度邊隻Pass抵買!)

Ｅ個就係ICOCA售賣機，有English說明，簡單易用．

＊旅遊書話每次增值 minium +1000yen

但其實站內的"精算機"係可以增幾多都得，

同埋，雖然ICOCA有500yen deposit，但唔準負數．

例如：My last ride to 難波轉 Rapi:t  -50yen我在"精算機"增值，就可以揀50yen．

酒店在御堂筋線，淀屋橋站 (#12出口) 或 堺筋線北浜站(#4出口)，

而2個站的出口，都有超市，

所以我們每天回酒店前都可以買到減價的壽司魚生做宵夜！

酒店位置OK，但semi-double 的房間就超的色!

連坑渠蓋都靚過人