玩物喪志

好耐無同大家分享下巨貓ｏ既近況ｏ勒
如果巨貓係一個人，想必是一個沉迷打機的宅男．

睇書教話耐唔耐最好同貓貓換下玩具，刺激下佢地思考 & 增加生活樂趣．

由於巨貓只對掘鼠遊戲有興趣，所以搜尋左ｅ款玩具比佢玩．

早前巨貓就係沉迷ｅ一款玩具

我見佢日夜玩到嘭嘭聲，樂此不疲，

所以朝早想收起個玩具等佢瞓番下，點知個衰仔成隻坐上去唔比我拎開．

總之佢一見我行埋去就飛身壓住，比佢激屎．

至於個新玩具呢，一拆盒巨貓就玩到癲．

直情超愛，當佢係寶．

食飽就攬住個寶貝玩具教教豬 zzzZZZ

至於隻飛鳥玩具係義賣網的朋友送比佢ｏ既，佢一向對ｅ類型玩具興趣不大，
但可能無玩伴， 所以有時都見佢模仿狩獵，自己玩到傻．