2015第一擊 -- 遊水塘xBBQ

好耐無見，大家有無掛住阿丸同巨貓呢？

其實唔係我偷懶，而係早前唔知點解我update唔到自己個blog．

所以局住要潛水，好在而家終於上到，

今次強勢回歸，我要追寫番E兩個月o既blog先得．

2015年頭炮係同班狗狗去遊水塘兼BBQ，

今日有新朋友，亦有多年不見的舊朋友．

新朋友係兩隻罕有o既小西施，

兩個小朋友都好乖好聽話，怪不得佢地媽媽錫到燶．

識左朱古力好多年，原來近幾年佢有很多經歷，

多謝佢媽媽對佢不離不棄．

小雪一貫作風，跑到成隻兔咁．

留意小丸就o係小西施後面

阿丸o既天敵 -- 吉 & 力

唔好點錯相，佢係 happy 囡，過年會黎我家作客．

無見一排，搞咩變左脹爆豆？！

仲有大眼都係好多年無見o既朋友仔

難得佢今日參加一齊玩

好嘞，行完水塘要入正題嘞，

就係我地BBQ的時間~

帶子，中蝦，應有盡有，仲有香滑豆腐花，

真係超超超正呀！！！

用炭爐烤的金沙骨特別有風味，

可惜場主話業主收地，E個場唔可以再做落去喇，

唉~ 真係好難再搵到咁正o既地方可以同狗狗去玩~