四大絕配 -- 老弱傷殘

老人家有2大忌，1係冷親，2係跌親．

但唔好話我黑心兼口臭，大多老人家都梗會是旦中一瓣，

好似我媽咁，尋日跌倒又唔出聲，仲死撐上去探老豆，

卒之搞到越行越傷，要call白車送去急症室!

我o係急症室期間，10個入黎有9個係老人，9個有7個都跌傷，

HK的人口老化問題真係好大鑊!!!

娘親阿娘親，真係補你大，老豆而家o既情況已經令我地好頭痕．

求求你唔好再東奔西跑，我地真係無能力再照顧多個行動不便o既家人．

雖然跌跛左，但飯…始終係要食．

Dinner @金兜記

食完飯，咁姐夫去攞車，我先同姨甥回娘家待命．

點知一時失策，留下‘老弱傷殘’．

老 – 我老爹

弱 – 我個弱雞家姐

傷 – 跛媽

殘 – 不嬲都殘殘地o既姪仔

ｅ個絕世組合o係停車場就o出事o勒!

話說我老爹突然發軟蹄，四大絕配，手無策，

好彩有個大隻o既保安哥哥幫手，

否則搞到骨牌效應，全部累低都有之~