始終要脫牙 (T_T)

開始食左2個course抗生素，貓貓牙肉都無咩改善．
惟有聽從醫生建議 >> 剝牙為妙

其實貓貓食得，瞓得，而且岩岩熟習新環境，所以我都有ｄ十五十六唔知點好，

不過義工話好多街貓入屋都有口腔問題，

越早治療對佢地就越好，所以就一脫為快．

貓貓真係乖，每早就入籠等開餐，但好對唔住，今日要麻醉所以唔食得野，

我仲困住佢，等義工黎幫手帶佢去見vet．

見佢o係籠入面全無戒心，等開餐等到瞓著，

醒左又玩下玩具，我真係好內疚，覺得好對佢唔住．

既然決定左，就放心將佢交比醫生．

ＥD就係佢o既壞牙

（睇落都唔係好差，阿丸ｄ牙衰10倍．）

等待期間，診所PR貓主動坐大脾．

（唔知我家貓貓幾時先可以咁樣坐我大脾）

慶幸係貓貓番到屋企肯食野，只係變得好驚人，

縮埋窗台一角，而且唔敢瞓．

（可能怕瞓著會比人捉走）

之後果日中午我番屋企，唔見左佢，以為佢嬲到走左佬，

原來佢跳左上櫃頂行李o急上面．

even用佢最中意o既毛毛棒引佢都唔肯落番黎

好彩到晚飯時間佢都乖乖入籠等開餐，

(其實都好安慰，佢剝完牙咁快就肯食野．

我見有ｄ貓貓剝完牙要好耐先肯食番野架）

食飽就 ＧＯＯＤ　ＮＩＧＨＴ～

<< 後記: 保你大，貓貓千祈唔好再有咩頭暈身慶． 
因為帶佢去睇醫生真係唔簡單，我寧願自己病好過． >>