連續3週@祥利

老豆又入左廠喇～
為方便探病，一連3個星期都去祥利食．

祥利係傳統老店，無裝修，０服務，

但佢能夠o係灣仔迄立半個世紀，實力非同少可．

老店緊有老規舉，雖然祥利老闆係我地老街坊，但一樣無任何優待，

人齊先可以入座，點菜要快狠準，食完就要交檯．

ｅ種餐牌差不多已經絕跡

第1周

韓式煲仔骨

泰式炒通菜

菜膽雞

龍躉二味 -- 蒸頭腩

炒球

第二周

呠酒焗鱔

荷葉蒸雞

話梅豬腳煲

第3周

鵝片

呠酒焗蠔

霸王雞

芥蘭牛肉

DIY玩具

由於我實在太靚仔，靚仔到無朋友．
（媽咪話我係孤獨精）

以前我連曲奇＆妹頭都唔睬，更加唔使旨意我會同隻加菲貓玩lor~

貓貓悶到傻左，竟然對住塊鏡喵喵叫．

媽咪為免佢變左傻仔，買左好多玩具比佢玩，

可惜佢奄尖聲悶，唔係樣樣肯玩，最近開始對ｅ舊野有興趣．

其實ｅ個玩具好搵老襯，無可能捉到入面隻老鼠．

所以貓貓玩到發脾氣，一腳踢．

而且仲比媽媽發現佢玩到整親下巴流‘蚊飯’添

比d 較輕鬆o既佢玩，佢又無咩興趣．

於是乎，阿媽DIY手癮又發作，話要整D新奇好玩又安全o既玩具．

材料好簡單 (如下)

將個盒剪開，痴塊地氈上面，再開 d 窿窿就掂!

貓貓監工中

整好就係 e 個o既o野

用毛毛棒作餌

貓貓似乎幾欣賞咁bor，連 moun 砂盆都鴿住．

<< 後記 >> 

e 個 handmade 玩具玩左幾日就certified喇

因為比貓貓d 便便整污糟左呀

而家媽媽又話要換個大d o既砂盤

貓貓真係敗家仔 (>.<)

至愛毛毛棒 (太極無影拳)

貓貓已經玩到出神入化
可以將毛毛棒控制於雙掌之中

肉緊起黎仲咬咬咬添

D口水實在太臭，又暈左！

貓貓與我

每當媽媽同人講養左隻貓，個個反應都係問：“咁阿丸點呀？”
講到我好似好難相處咁．

好啦~ 咁就比大家睇下我同貓貓係點相處架喇．

雖然屋仔細細，但基本上我地都好少碰頭，因為我主管地面，

而貓貓就o係窗台/檯面，大家河水不犯井水．

不過我地都有個共通點，就係同聲同氣叫媽媽開飯．

有時貓貓都會陪我瞓地下

只要佢o係我1米範圍以外，我都會隻眼開隻眼閉o既．

最近，佢仲同我同床但未共枕，每當媽媽中午或放工回家，

我都會擔個玩具上床玩，佢有樣學樣又走上床．

不過佢就無我咁乖喇， 靜靜話比大家知: "佢已經抓爛左2個枕頭袋喇~"

慘遭毒爪的枕頭袋

至愛毛毛棒(1)

貓貓對玩具ｏ既要求都好嚴格

媽媽買左好多比佢佢都唔玩，惟獨係對ｅ款毛毛棒最LIKE．

睇下佢玩到幾癲，仲咬到條毛毛係晒口水．

好，準備！

仲唔咬死你

條毛毛棒實在太臭，臭暈左！

覆診大災難

大家睇下貓貓幾識嘆，中午o係窗台non起2郎腿曬太陽，
佢都仲未知死 ...

話說貓貓入屋前睇過醫生，醫生話佢牙肉有Ｄ發炎，

影響淋巴，要食一個療程o既抗生素，然後再番去覆診．

  

不過可惜抗生素對貓貓無咩幫助，惟有再試另一隻抗生素，

如果仲係無效，就好大機會要剝牙！！！

好感激果日義工姐姐哥哥黎幫手接送貓貓，否則媽媽雞手鴨腳肯定搞唔掂．

睇完醫生帶左貓貓番屋企，媽媽就出去飯局，飯局完番到屋企門口，

已經好臭好臭，一打開門，個籠周圍屎，ｅ次真係大災難！! !

搞成咁，貓貓個樣都好內疚，

但媽媽無怪佢，因為媽媽自己腸胃都好弱，

周不時肚痾，所以好明白貓貓緊張到痾的苦況，

只要佢乖乖食藥，牙肉快ｄ消腫，咁就柯厘吉帝．