HAPPY @丸客棧

農曆年假係丸客棧的黃金檔期

因為宿位只得1個，所以好容易就full house!

入住犬要經過嚴格的審查，最最最重要係 … 得到舍監丸的批准．

今次好幸運能夠入住o既係 … happy

佢阿媽一走左，佢就眼淚汪汪．

但其實阿丸仲愁，因為佢擔心狗糧會被瓜分．

Happy媽漏左帶衫仔，惟有比住阿丸件jacket佢頂住先．

佢仲好唔客氣，瞓左丸仔張床 (e張床佢3年前瞓過架喇~)．

到左晚飯時間，happy媽交帶佢每餐的份量如下．

記得佢每次開餐都狼吞虎嚥，所以買定個慢食兜比佢用．

但原來 happy 有地磚恐懼症，佢要腳踏地氈先肯行，
連佢最緊張o既晚餐都唔敢行埋去食．

於是乎，我就幫佢整左條地氈棧道，等佢可以周圍行下．

但過左幾日，d棧道就比我續條續條廢除，原因係想阿py 放膽d，
唔好成日神經亏亏 果然，用零用氹下佢，佢都慢慢放膽行出佢o既 comfort zone．

happy 生活好有紀律，每晚食飽飽就會乖乖番床zzzZZZ．

而阿丸就繼續佢守護犬的工作
(其實阿丸只係看住唔想比阿py起身偷野食)

就算瞓覺，都要瞓o係對家鴿到實．

有時happy會不經意間 show 長腿 e 點尤其令丸仔眼火爆

街坊狗友見丸丸肥C大隻，出街都有衫仔著，
但happy得棚骨，反而唔著衫就出街， 所以送贈了幾件衫仔比happy．

住左幾日，happy已經開始熟習，仲識撩我玩玩具添．

住左幾日，happy已經開始熟習，仲識撩我玩玩具添．

經 happy 十多天早晚各1次的橫衝直撞訓練，

相信出年我可以報名跑渣馬，

而happy 亦識到一位朋友 (只此一位)，

就係街口舖頭的伯恩山犬，

伯恩山勁 like happy，會舐 py 耳仔，又會用手搭佢膊頭，

不過佢咁o既份量，阿py 實在有點吃不消．

py 媽十多天的旅程好快過，要同 happy say good-bye lu ~