天寒地凍遊頸頸

由年頭講到年尾，終於的起心肝行鹿頸． 

雖然條路行過好多次 但每次都覺得風景好靚，好relax，好好行．

尤其今日天氣超爽，望過對岸非常清晰．

上左樓梯就到草坪，涼亭對開有人闢左條小路．
由 E 度可以望到我地成日影相o既小碼頭

*原來條小路下面有幾個墳 將來政府話收地，d 人就可以'作'一筆．

今日o既早點係生果

有隻白鷺企左好耐，擺晒pose，好似想等人影， 果然我一影完佢就飛走左．

終於行到目的地 -- 開餐! 必叫o既咸水煮蜆

好好食o既醋鴨

馬拉盞炒飯

1大1細的豬串骨

郊外油菜

有人話唔飽，所以再叫左多碟肉絲炒麵．
但因為附近風景好靚，我掛住影景無影d食物．

以前o既英雄樹(木棉樹)無左，而家種左幾棵木瓜樹．