冬至飯局 -- 一翅都唔食

又到左一年一度o既家族冬至飯局

由於我同姨甥 "一翅都唔食"

所以今年個湯變左蛇羹

鮑魚仔

乳豬仔

黃油雞

豬腳仔

發財好事

年年有餘

冬至素火鍋

冬至去左朋友家火鍋

咪睇我地大魚大肉，實質全部都係素食黎架．

不過其實食瓜菜菇，仲有豆類食物都可以好飽的．

醉翁之意不在鍋，其實個個都想去探下阿安＆魔怪．

見佢地而家生活得咁開心健康就係一件最好o既聖誕禮物．

四大絕配 -- 老弱傷殘

老人家有2大忌，1係冷親，2係跌親．

但唔好話我黑心兼口臭，大多老人家都梗會是旦中一瓣，

好似我媽咁，尋日跌倒又唔出聲，仲死撐上去探老豆，

卒之搞到越行越傷，要call白車送去急症室!

我o係急症室期間，10個入黎有9個係老人，9個有7個都跌傷，

HK的人口老化問題真係好大鑊!!!

娘親阿娘親，真係補你大，老豆而家o既情況已經令我地好頭痕．

求求你唔好再東奔西跑，我地真係無能力再照顧多個行動不便o既家人．

雖然跌跛左，但飯…始終係要食．

Dinner @金兜記

食完飯，咁姐夫去攞車，我先同姨甥回娘家待命．

點知一時失策，留下‘老弱傷殘’．

老 – 我老爹

弱 – 我個弱雞家姐

傷 – 跛媽

殘 – 不嬲都殘殘地o既姪仔

ｅ個絕世組合o係停車場就o出事o勒!

話說我老爹突然發軟蹄，四大絕配，手無策，

好彩有個大隻o既保安哥哥幫手，

否則搞到骨牌效應，全部累低都有之~

DIY tote bag

藝術家/手作人，都係要有靈感先會開工ｏ既
（其實係 … 懶！）

今日無情情做左個tote bag，因為係手縫，所以搞到歪歪斜斜^^

阿信屋

而家除左7仔外，相信總有一間阿信屋o係大家左近．

亦因為咁o既原因，買零食平左又方便左，自然又會食多左 ... 繼而搞到肥左 

 (姓“賴”係HK人的本色^^)．

唔單止人類零食，連寵物都受惠，價錢仲比pet shop 平好多，

但款式就當然好有限，同埋成日斷貨，賣晒就有排等，

而且唔係間間阿信屋都有得賣，所以買唔買到就睇你彩數喇．

今日竟然碰岩有貨番，一於大手筆入貨！

每樣買左少少，仲買左支貓捧比巨貓玩添！

可惜巨貓唔領情，佢對玩具係有一份執著 (只限於毛毛棒！)

身為主人係要好公平o既，阿丸同巨貓分別都係用左$140左右， 

平分我荷包的春色 !

升職飯局

好多朋友問我點解唔上facebook，facebook好多有關貓狗o既資訊，
又可以識到志同道合o既朋友，又li 又lo．

資訊多，我知，但信一半都死，而d人又從不求證，只識ford 來 ford 去!

而志同道合呢？Sorry lor，我真係唔多認同，我只見一個一個所謂關心動物o既人，

眼見面前有一隻動物需要幫助，但佢就只會影幅相po上網，that's it！

然後由本身已經應接不暇，而又睇唔過眼的真正義工去執手尾！！！

當果ｄ當初po相o既人，知道有義工善後，就認屎認屁，彷彿自己頭上有光環！

點解我ｅ篇飯局無啦啦講埋咁多廢話呢？　

原因係今日飯局的主角，係一位我非常佩服的朋友，多年來佢默默地幫助動物，

佢所做o既o野，有時連我都覺得'匪夷所思'！

點解用'匪夷所思'黎形容呢?

係因為e位主角為人有點求其，思想有點怪怪，...，但可能正因為咁，我認為無可能o既事，

佢就勇往直前衝衝衝，即使碰釘佢都會樂觀面對，自己解決，而且從不邀功 ! 

係好值得我 SALUTE !

言歸正傳，好人自有好報，朋友的蝦子餅最近升職，

我有幸被邀出席飯局，YEAH!

* 雖然我成日會頂罪E位朋友(但她從不介意)，

我衷心祝福她一家大小＆毛孩健康快樂，永遠幸福 ～

Island East Market + dinner ＠小西灣

10月份曾經參與LAP (Lifelong Animal Protection)在Island East Market
舉行的領養及義賣日．

首先，多謝新相識的義工朋友Katy相助，仲有威仔，sasha 黎撐場，

還有東區朋友ＭayＭay幫手照顧待領養的貓貓．多謝晒～

活動結束後，與一眾東區友共進晚餐，渡過好充實好開心的一天！

＊順帶一提，Ｅ間酒樓的餸菜幾岩我胃口，份量足，

蔬菜的配搭亦唔錯，希望有機會再番兜．

DIY 禦寒中心

寒流突然襲港，我訂果2張床仔又未送到，
惟有急急開工整番張比巨貓頂住先．

材料好簡單，舊T-shirt，衣架，紙皮，膠紙．

先將衣架屈成半圓形，紙皮打雙，4邊包膠紙．

在紙皮4隻角開窿，對角插入衣架．

側面睇，已經見到帳幕的初形．

再套入舊T-shirt，領口是帳幕的入口，放塊軟墊，睇落都幾舒服．

巨貓睇左成晚，起初都唔知 e 舊o野係乜東東，非常迷茫．

跟住仲走鬼埋添

後來敵唔過好奇心，冒險捐入去八下．

軟綿綿，暖笠笠，入左去就唔捨得出番黎lor~