香港電台"家有愛寵" 最上鏡小狗獎

圓丸榮獲香港電台"家有愛寵" 最上鏡小狗獎
當日由衛蘭頒發獎品&獎狀
真係開心!

 e個獎係由有品味o既評審團選出

實至名歸 !

DJ小白，kitty，嘉賓衛蘭都係愛犬之人．

e 張就係獎狀o勒，我會好好保留．

廣州闖蕩

因為要辦d手續，所以今天要踏足好久沒到的羊城 (廣州)，
我對祖國的印象麻麻，加上有點陌生，
真有點港燦入城的感覺．

一條馬路有成12條行車線，闊到無輪!!!

最快捷簡單的方法是直通車，頭班開7:25am，座位尚算舒服，
下一班是香港列車，有雙層的車卡．

一切非常順利，而且轉了一站式服務，省卻我再要再到另一地點，中午前已把手續辦妥，
反正Ｎ年無踏足廣州，試下去搭地鐵．

可能是非繁忙時間，廣州地鐵沒有香港那麼擠．

我們去廣州東站附近一個商場吃午餐

Food court 有十幾廿檔食肆，最正係大把位任坐！
HK的food court 真係插針都插唔入．

我們揀左成個場最爆果間 ( 仲要等位添 ~)

誘惑小牛肉 (香香辣辣咁味)

餃子有成十隻咁多！

酸酸辣辣的豬頸肉

菜薰鴨

這一餐約 RMB$120左右，廣州人食野好豪氣, 我見鄰坐2位女仕點左7-8樣，
根本無可能食得晒 !!! 番歸前去我最愛到的地方，就係超市！

竟然比我買到HK已絕跡的山渣餅! 

＊如果大家有機會到廣州，麻煩幫我大手入貨！

回程剛剛miss左直通車的時間，咁就試下和諧號，票價RMB$79.5，
但10零分鐘就一班, 時間更加flexible． 和諧號自動售票機 ．

＊記得拎定回鄉咭，因為買票時要look回鄉咭的．

購票後，前往和諧號的候車處，等上車．

月台

車箱內

準時到達深圳，從羅湖再轉東鐵回港，比我想像中便捷，
原來廣州都唔係咁得人驚o者．

威仔越洋到訪

今日有朋友自遠方來，話越洋真係一ｄ都無瓜張，
是實真係跨越左個維多利亞港架．

身為地膽，第一件事當然係帶佢地食ｄ好野，ｅ間麵包店好多人等位架，

我點左個煙三文魚bagle．

Coffee & tea 就一般水準啦

份量咁多直情可以當 lunch

有阿丸個頭咁大 !!!

好啦, 小朋友先開餐．

食飽就在附近行下，阿丸背脊就係醫學博物館．

圓丸靜靜話比大家知: "威仔對醫學完全無興趣架, 佢夢想係要做個球星!"

話口未完，威仔就已經開波．

佢揀左個疑似球類的憤怒鳥黎熱身

咬到BB聲，當係球迷o既歡呼聲．

阿丸心諗:“唔知其解sasha &威仔都情迷我d玩具，
下次有小朋友上黎之前要叫媽咪收好d玩具之得.”

波波雪兒入伙party

一直有留意阿丸動態的朋友都會知，屎丸每朝都會帶我去7仔討早餐，
從而認識佢狗生中“唯一”的朋友“波波&Snowy”． 

養丸千日, ...

波波早幾年因為椎間盆曾做過手術，今年年中有翻發蹟像，

波波主人為了他，從唐樓搬到大廈，從此就不需要抱住2個小朋友撐樓梯了!

為了永慶祝從此脫離‘撐樓梯’行列，一於開party 慶祝，

但其實都係人類搵藉口，大吃大喝，hea番晚．

雖然認識左波波snowy咁耐，但同佢地影相都係第一次，鬼咩，

屎丸朝朝未夠6am就摷醒我同佢落7仔，記得帶報紙去執金已經好難得，

仲邊鬼得閒拎相機．

圓丸去到新屋一d都唔陌生，佢仲識去波波個廁所上尿尿添．

史立莎(mango) 係波波的舊街坊

snowy 非常熱情好客，主動帶我地入廚房開餐．

波波就好痴身，你一坐低佢就會自動獻身 >> 要你幫佢按摩!

圓丸果日簡直大開食戒，好似吞左幾條'骨骨'，
回程番屋企時痾左2篤大care!!!

e 位就係享利，咪睇佢大大隻隻，其實係最善良，佢成日比屎丸趕出7仔架．
 ( 享利前個月做左次大手術，希望佢以後健健康康開開心心 )

e 兩位主人家成晚守住個廚房，近廚得食!

祝波波snowy 一家新居愉快，小朋友個個身體健康， 

咁d 家長就自然安樂晒 ~

首爾 -- 梨大 kosney & 回程

今天是在首爾最後的一天，我和朋友分道揚鑣，大家各自把握時間，
去自己想去的地方．

由於去梨大當天朋友不適又遇上下雨天，明洞果間kosney又執埋，

所以我今朝要趕去kosney逛逛．

一早去到，周街逛下先，梨大其實比明洞好行，佢地的店舖更有特色，

最重要唔會成街都係化妝品店．

首先確定konsey 的位置，原來10:30am先開門．

[後記: konsey令我好失望，d野無咩特色，一場去到，我勉強買左個行李牌，

番到HK拆開睇，原來係made in China，

佢用個price label “姐”住左made in China覺得konsey 有心欺騙顧客!

以後要買文具精品，一定要去10 x 10 ．

終於要走喇~ 我們預計錯誤，搞到差D  miss左班機添．

韓國o既退稅手續超麻煩，奉勸唔係退得太多o既朋友唔好浪費時間，

除非你早左好多去到機場無野做．

最心痛係盒 handmade kimchai 就咁就無左

航機上的 dinner

今次收穫最多當然係skin care， 尤其係mask，真係成年都唔使再買．

＜＜　完　＞＞