Sasha 渡假中 (i)

因為sasha 主人10月份要外遊，所以sasha早兩個星期黎左試玩．
sasha都好乖女，主人出左去，佢就乖乖咁等候．

不過個樣就有d擔心，好掛住主人．

而阿丸就當佢無到 (sleepy)

好快就到左正式交的日期，sa 媽 比 sasha 仲騰雞，好擔心佢唔慣，
更擔心佢同阿丸唔夾 ．
（事實係無一隻狗可以同圓丸夾到 ）

sa 媽帶住戰戰兢兢 o既心情離開後，本來都相安無事，好衰唔衰突然落起毛毛雨，
原來 sasha 好怕落雨，d 雨都未落出，佢就已經喘晒氣，仲靈過癲文台!

即刻打比sa 媽求救，佢話不只喘氣仲會成身震, 周圍痾尿, 然後匿入廁所，真係比佢講中晒!!!  
sasha 賴左2篤尿之後就跳左上企缸!!!

o係 e 個時候，我惟有… 好鎮定咁去煮晚飯!
好在sasha都係為食妹一名，食住晚餐就暫時忘記左恐懼！

Sasha搵左個安全o既位置(chair底)享用晚餐

咁早開餐緊係食唔晒啦，圓丸最開心因為可以執屎雞．

阿丸食飽就去zzzZZZ，但sasha 仍然好緊張．


於是同佢玩左陣, 佢最中意的腸腸公仔, 用手仔按住, 唔比人搶．

小朋友始終係小朋友食飽玩倦就 zzzZZZ >> GOOD NIGHT ~ 

第2天一早見尿墊有尿尿，sa 媽話 sasha 唔識用尿墊個bor，
不過可能圓丸示範，佢就學識左．
Anyway，又到佢地期待o既早餐時間．

已經唔使匿埋食，可以光明正大咁食．

但 feel 到背脊有好大氣場

原來圓丸在遠距離監察

不過佢好乖仔，無話去搶，只係默默地守候o者．

咁 e 幾粒狗糧就當係交租啦 !

食飽阿丸又係 zzzZZZ，sasha 就望天打掛．

同佢玩下，等佢有 d 世藝．

有得食有得玩，好快就變番開心小狗．