Dry 到無朋友

話說本來每朝圓丸都同朋友仔波波＆雪兒去 7仔食早餐

但波波雪兒搬左屋，佢地主人又出埋 trip．

餘下只有圓丸的天敵 -- 白terrier (亨利)，

可惜尋日朝老闆娘話亨利大前日在家突然行唔到，

送左去太平道，要即時做手術，現在留院中．

亨利後生又活潑，而且體重標準，真難明點解會突然咄事． 

今朝在7仔遇到亨利主人，佢話事發果朝一切都好正常．

佢開緊工時，太太突然打電話比佢話亨利行唔到．

Back sound 仲係亨利的呻吟聲，所以即刻送去太平道．

（其實原本係想去附近的方舟，但去到先發現方舟搬鬼左！）

不過都算錯有錯著，去太平道即照超聲波（照之前當然係要碌咭先！）

一照之下就見到胰臟有陰影，醫生就要主人立即決定做手術與否．

而護士則同時解釋各項收費...

亨利主人不算富裕之家，但他都堅持要把亨利醫好．

慶幸，手術十分順利，這幾晚去探他，已經很精靈．

希望亨利能夠快d 回家，回復舊日狀態．

我話比自己知，圓丸而家食早餐無以前咁開心．

係咪應該用膠水痴下佢棚假牙呢?

話說由7仔回家，途中又遇到另一位外籍朋友，我看著她養的french bull dog長大，

她告訴我下星期將遷入Lantau Island！　

今次圓丸真係 dry 到無朋友!  懷疑佢命犯孤星，好在我命硬先頂得住佢！