小丸渡假中

每次外遊，小丸比我更happy，因為佢會比我更早出發．

而且次次都有貴賓級的享受，好過在蝸居發mo． 

我離開時，一幅頹廢可憐 look．

一出門口佢已經唔記得親娘貴姓，笑騎騎在廚房門口等開飯！

食飽就倒頭大睡，完全無掛念親情．

第二朝落街散步仲開心

成個海濱長廊任佢跑

跑到倦，就坐低欣賞維港景色．

以而家 crazy o既樓市黎計，E 個view 呎價肯定過萬!

太陽伯伯開工喇，又係時間番歸．

檯底執屎雞係阿丸最中意o既環節

呃飲呃食後又瞓個午覺  [食玩瞓痾，不斷循環]　
* 大家請留意背景的拖鞋，它將成為無辜的犧牲品．

為免阿丸太無所事事，約左姨姨同佢 grooming，
恤髮後的丸丸成個清爽晒．

阿丸好識冧人，氹得瑪利亞的歡心，
但佢始終係一只披著羊皮的破壞王．

話口未完已經大開殺戒，可憐果隻無辜的拖鞋壯烈犧牲．

據知阿丸仲咬左 "瑪生"一啖，又唔比"瑪生"接近佢個狗袋，真係劣性難移．

好在瑪利亞伉儷並不介意，仲預約我下次外遊再帶圓丸去渡假添，

咁我就真係去(玩)都去得安樂喇 ~