豪食 @金兜記

最近幾次去金兜記都幾full，證明只要服務好，
食物有質素，就算貴少少都一樣有捧場客．

今日好有食神，叫到成檯都擺滿晒~

招牌乳豬

今次試埋佢地o既燒雞

叫多碗粉就 >> 燒鵝瀨

 必叫o既 蝦餃，燒賣，牛肉球．

鳳爪排骨，小籠包，馬拉糕．

都唔知 d人個胃咩構造，食完腸粉x2，仲要番兜多籠蝦餃．

仲有炒麵，薑汁芥蘭，一口炸豆腐 ，沙薑雞腳．

食到清晒，真佩服!

藍梅杏仁曲奇

無需多介紹，齋睇題目已經知道今次整餅所需o既材料．

糖霜  150克 ，牛油  200克，蛋  50克

麵粉  300克，杏仁片 100克，藍梅乾  30克

牛油放至室溫加入糖霜以慢速打至奶白色糊狀．

然後加入蛋，麵粉，藍梅及杏仁碎．

將搓好的麵粉糰放入焗盤上，然後放入雪櫃．

冷藏後，取出切成一片片．

放入預熱焗爐，以180度焗15-20分鐘便成．

即場試食，非常香脆超好味，媲美貴價的名牌曲奇．

不妨趁 easter 假期試下整!!!

JCCAC創意市集 (順遊白田 & 石硤尾)

自問方向感近乎零，從小都在港島居住的我，只懂以電車軌辨認方向，
長大後仍然依靠鐵路生活 (我是個低智能不懂用google map的人)．

今天因利成便，為了要到石硤尾，首次乘#104至白田總站!

白田村的早上很悠閒

屋村保養得不錯，但好像快要清拆重建．

舊式的粥麵店

懷舊的擺設

我最愛吃粥，腸粉，炸兩作早餐．

原來一直行便到達石陝尾村

原來一直行便到達石陝尾村

前行不久便到達JCCAC
今次的攤檔和上次大致相同，所以行了一會便去食午餐．

同樣是上次的餃子套餐，好味兼抵食．

其實今日咁忍得手，最主要係我地行經深水步時．

已經入到平靚正的手工材料，可以回家自己開工．

木瓜雪耳糖水

公司有個木瓜由過年擺到而家都未有著落，
今日終於帶左佢番屋企，
咁岩我家有舊雪耳，一於整番煲雪耳木瓜糖水！

木瓜 (去皮，去核，切件)

雪耳 (浸淋)

冰糖 (份量隨個人口味)

南北杏 (可落可唔落)

水   (適量)

做法~

1. 雪耳浸軟後，剪去較硬的部份．

2. 水滾後，放入木瓜，雪耳及南北杏，同煲10-15分鐘．

3. 最後放入冰糖，煲至冰糖完全溶化．

4. 話咁快就有得食，好滋潤呢！.

離奇爆玻璃事件

Lunch番屋企，突然廚房有 d 聲，
入到去就見到個玻璃煲蓋無啦啦爛左．

最離奇係由中間裂開  (confused)，當時我無煮野又無野跌落黎．

有無人可以話我知發生咩事呀 

新居與六記

老師搬新居，最開心係可以參觀是旦單位
 (其實一d都唔是旦，室內的每一個角落都佈置得好有心機)．

e個屋苑的環境靚絕，最最最LIKE o既係 pet allowed，圓丸可以名正言順出入．

加埋個大草坪，簡直係6星級的家．咪住先，做咩講到我好似o係度住咁o既!

大草坪呀！

仲設有泳池＆會所

參觀完畢，就去左附近舊村醫肚．

難得遠道而來，當然要試下e度出名的招牌菜：

雞煲，客家炆豬肉，碌鴨．

雞煲用Gas 爐上，仲送一籃生菜添．

小辣已經好夠，否則就會蓋過雞味．

因為個汁非常惹味，當雞件食得七七八八時，放入生菜，烚兩烚．

生菜吸收了醬汁的精華，立即變成香辣正菜，d醬汁真係一滴也不能o徒架!

古法碌鴨上鋪滿薑絲 (殭屍 ) << 似是醃過的酸薑

味道幾清新幾醒胃，不過鴨肉就有d鞋．

客家炆豬肉，味道適中，唔肥膩．

小炒王 -- 好掂!

(失圖)

老闆推介的餃子，都好多人order 架．
本來1碟係有6隻，但一上檯有人就拿拿聲夾左1隻食．

成晚o既敗筆竟然係 e 碟豆瓣醬蒸黃花魚，條魚麻麻，肉質霉．

食到抱住個肚，但眾人抵不住對方霓虹 menu的引誘．

於是又坐底食甜品

老闆好勤快，邊做煲仔飯，邊做甜品．

今天行程，飽滿結束．

好耐無寫食評，今日要評佢一評．

食評:

環境  x 4   室內幾闊落，室外可以帶狗，不過晚上好full，記得要預先book位．

服務  x 4   大廚(唔知係咪老闆, 幾好傾)，d 姐姐的服務態度亦非常好． 

食物  x 4.5   招牌菜一定唔會令人失望，只係條魚可能本身唔夠新鮮．

價錢  x 5   超抵! 有機會一定會番兜!