有朋自美加來

圓丸的粉絲遍及世界各地，難得有粉絲來自美加，
我地當然要一盡地主之誼，帶佢地去南丫島一遊！

首先計劃今天的行程

當天是閒日，平時擠滿遊人的碼頭及街道都變得冷清，
讓我們有機會深入探索南丫島的名勝．

工友們正在為天后廟打掃，迎接新春．

從不察覺這裡有間健康院

沒料到天氣比早幾天溫暖多，為免圓丸太吃力，我們以阿婆豆腐花為第一站，
然後按當時狀況再計劃下一個景點．

朋友讚阿婆豆腐花很有豆味，還連吃 2 碗．

原先不想讓圓丸太攰，請朋友自行到風采發電站參觀．
但盛情下，最後讓圓丸稍稍休息，便一起向山頂進發．

圓丸 : "抖夠喇 ~ 行得未呀? "
(實情係你阿媽我未抖夠, 因為一陣要抱你行一大段斜路架 ! )

終於攻頂

不過就真係無氣再行上觀景亭，只能同阿丸在公園等待兼休息．

期間有班學生哥路過，個個都讚圓丸kawaii 呢．
如果 HK o既小朋友 ，能夠好似 e 班學生哥咁中意動物就好喇~

參觀完畢，終於黎到開餐時間．
估唔到酒家的姐姐竟然認得圓丸，某年某日下著大雨，
姐姐比我地幾隻小狗登堂入廳食lunch．

可惜今日圓丸肚仔唔舒服，所以成餐飯都無佢份．

睇佢個屎樣非常失落

我地唔客氣喇 ~

其實我都有年多無入南丫島了，最喜歡對動物友善的島民，

有些店舖更在門外放了狗狗飲用的水兜，食店亦很歡迎狗狗，圓丸這一天更成為小明星，

沿途聽到不少讚賞，令今天行程愉快地結束． 

朋友話原來HK的離島是如此寧靜舒服，希望再來的時候，

我和圓丸能帶他到其他離島一遊!