錦田鄉村俱樂部

今日約左義工朋友入元朗，首要任務係魔女宅急便，將d貓藥物交到義工手上，
當然順便去探下貓貓．但唔知係咪圓丸殺氣大，D村貓厘埋晒，
連貓毛都唔見條，所以坐左陣我地就轉場去俱樂部．

有幾年無黎e個俱樂部，入面都增加左d小設施．

好在朋友早到幫我地揀左個側邊位，咁就唔使夾o係人群中間咁迫夾．

E度o既食物都係d standard燒烤o野
不過最正就係可以自己handmade蔬菜包

當然亦有homemade的狗狗燒烤包啦

E 個就係圓丸o既lunch o勒

朋友帶左佢2個心肝寶貝黎，佢地係dick & mike．
阿dick 比圓丸更具霸氣，連叫下佢個大名都唔得架．

所以同佢地影合照真係好有難度

大家好似搭檯咁款，坐到離行離勒．

而mike就同冬冬&威仔一樣咁中意追波波
見佢o係草坪跑得咁開心，想引圓丸去跑下．

但個衰仔行入草地痾左督尿就跑番去個爐度，
因為佢知道近爐得食．

義工姐姐讚圓丸好斯文，就算問攞o野食都只係細細聲叫，

行路又滋油淡定，睇黎對圓丸頗有好感．

在黎緊o既冬天，若然感到空虛，感到寂寞，感到凍，歡迎拎圓丸番屋企攬下錫下，

因為佢等如一部小暖爐！