上環狗公園(2)

狗公園唔岩玩，惟有轉場，
從馬會診所搭電梯，便可到達“唔使阻住紀念公園”，省卻不少腳骨力．

E度將來仲係港鐵出口添

轉左彎有座氣勢磅礡的建築物，原來係歌王舊居 -- 高街瘋人院!

整座大樓都被鴿子盤據，氣氛詭異．

為免被鳥糞誤中，走為上著．

(失圖)

途經救恩堂

沿第二街一直走，發現另一座舊建築物 -- 長春社．

竊足走進裡面參觀，弧型的樓梯別具特色．

從樓梯頂往下望

室外的外牆掛著走火樓梯

本想跑上頂樓看看，但我的畏高症突然發作，雙腳無力．

發軟蹄就要搵地方醫肚，好在附近的正街市政大樓內有熟食中心．

街市旁便是成二萬蚊呎的縉城峰

豪宅與舊區街市，其實近在咫尺．

摸索回家路上更找到間寵物店，沖涼剪毛承惠$380，都可以諗諗．

上環狗公園(1)

雖然遷往上環年多，但甚少到海旁的狗公園，周末百無了賴，
一於帶圓丸去行番轉．

圓丸一進場，便受到大小朋友的熱情歡迎．

可惜圓丸不太受落

拔足而逃

鬧市中難得有草坪，更難得係可以狗狗進入．

但圓丸似乎對草坪邊的紅圍磚情有獨鍾

沿著草坪邊的紅磚上行

就算走到轉角位仍然不肯落草地

一直在紅磚上繞著草坪行

經過我身邊也懶理

依然故我的在紅磚上行

以為好有型

實質非常戇居

玩左陣就開始有其他狗狗陸續加入

E隻黃北京好乖，好可愛．

圓丸突然有所發現

問: "媽媽，果位手長腳長係乜水呀?"

原來有位身型同圓丸完全相反的小朋友入左黎

(失圖)

原來有位身型同圓丸完全相反的小朋友入左黎

睇見人家手長腳長，仲有條礙眼的小蠻腰．

圓丸即刻下令 :  "無眼睇，我要番屋企!"

金盞花西餅手工皂

突然同時收到幾位朋友的order，原來不知不覺聖誕節又迫近，
佢地要為準備聖誕禮物而忙碌，但以我咁懶o既性格，
相信未必趕得切o係聖誕前交貨．

今次出動早幾個月浸的金盞花油，但唔知點解攪兩攪好快就trace，拿拿林落模，
一時手痕在面層畫圈圈，凝固後就變左咁樣．

睇見舊咁o既o野，圓丸莫名奇妙知知乜東東．

但佢本字典只有個"食"字 (吞口水中)

到左切皂時間，一件件排列在面前．

搞到圓丸眼都唔斬

本店出品經過店長圓丸全程監督，確保件件皆精品．

仲有，出年落order 唔該早D出聲，不過我新屎坑，
出年E個製皂工場可能已經收檔！

馬賽手工皂

冬天將快殺到，
係時候要做定d滋潤效果較高o既皂皂渡過乾燥寒冬．

馬賽手工皂以100% olive oil為材料，係潤澤肌膚最佳之選．

但潤膚係要付出代價，橄欖油屬軟油，聞說要打幾粒鐘才成功，為求快人1步，

理想達到，我決定做72%的馬賽皂．成份：olive oil + shea butter，配方簡單，

唔會對肌膚做成負擔．

當日晨早起身打皂，攪左個幾鐘，手都軟晒，但完全未有 trace o既跡像，

最弊此時又接到個急call，惟有落模搏一搏．因為怕唔凝固，

所以隔2星期才脫模，好彩效果尚算OK．

e幾款變左朱古力色係因為我加左綠茶粉 

用吐司模玩渲染都唔錯

窰窰長路遇險記(2)

上文提要: 一名身穿紅色衣物人士呆坐碼頭邊，加上悽美的月色．

荒廢的村屋，…

此時此景，突然1個鬼影擦身而過．

嚇得圓丸拔足而逃

並以掩護顏色，混入滔家，希望鬼怪擇肥而噬．

出到碼頭，肥滔又無情情比拐子佬笠左，嚇得滔媽瓜容失聲．
為左化解e場劫數，拿拿林去間旺丁旺財的風水酒家，祭一祭五臟廟為妙．

人家燒黃紙，我地就點黃紙menu．

仲放生左好多貴價海鮮

提起失滔事件，眾人仍尤有餘悸．

惟獨初生之犢唔識屎，腦袋只有個'食'字．

開胃前菜

多料的海鮮湯

蒜蓉粉絲蒸元貝

+ $ o既矜貴鹽焗雞 ($150/半只!!!)

花鵰蛋白蒸蟹

芝士龍蝦伊麵

海上鮮

油菜

炒飯

生果

食飽飽搭車番歸，番到樓下發現成條街被警方封鎖，原來發生火警，
幸好無人受傷，更慶幸我同圓丸中午已出家門，避過一刧；
八左一陣我就突破(捐過)警方防線鼠左番屋企．