金盞花手工皂 (against animal test)

自從經過紫草皂一役之後，我已經學精左，有用無用都浸定幾支油，

以備不時之需．

話口未完，某日火柴人就真係同我講，話想要金盞花手工皂，
YO~ 真係撞都無咁岩，我屋企就正正浸左支金盞花油，唔使等成個月，
即刻就可以開工!

E D 就係金盞花o勒

金盞花入樽後，同時加入 extra virgin olive oil．

E 樽浸左個零月，岩岩好用得著．

(失圖)

過濾後就可以用架喇

(失圖)

今次用牛奶盒做模，打到咁上下就將一半皂漿加入粉紅石泥，另一半原色，
然後分層倒入牛奶盒內，做出2 色多層的效果，
另外，故意在面層畫波浪紋，然後加上數粒用舊皂搓成的小圓球 ．．．

．．．終於到左切皂時間

雖然有少少氣泡，但整體效果都幾滿意．

後記：
製成品已交火柴人手上，待其用後報告 本人出品絕不以動物測試，
而改為更嚴謹的 human test．

金盞花效用：
金盞花具有美容和健康的應用價值，在美容方面，

金盞花的葉汁有護膚除斑的功效，將金盞花葉搗爛，取汁搽臉，既可消除雀斑，又能清爽皮膚和美白等。 以金盞花瓣或葉片浸在溫和油脂中所形成的浸泡油，

具有防腐、殺菌、滋養、收斂，可預防、改善輕度外傷及皮膚病等效果，

因此價格非常昂貴。製成沐浴乳有潔淨滋潤肌膚作用，亦可預防老化，

改善粗糙龜裂現象，讓皮膚保持彈性回復年輕。有嬰兒護膚系列以金盞花精油為主成份，

為異位性、敏感性膚質的寶寶提供最貼心的服務。