手工皂~傑作的誕生

前幾天做的手工皂，我的手工皂 (第1回)
今晚可以脫模了，脫模前，心情好緊張呢！

(失圖)

1) 花中仙子(E個皂模圖案最複雜，所以我首先落模．
出黎效果: 公仔線條OK，但皂液太快凝固，令角位崩塌)

2) 喜鵲
(正面睇合格) 但邊邊有明顯裂紋，應該係攪得太杰落模，
令"皂液" 未能平均流入皂模內，失敗．

但邊邊有明顯裂紋，應該係攪得太杰落模，
令"皂液" 未能平均流入皂模內，失敗． 

3) for you 玫瑰
(E個皂模oval shape 包邊，所以裂紋不太明顯，算係今次做皂最成功的一片)

4) 蝴蝶
(圖案雖然較簡單，但入模時，皂液已開始凝固，所以有或多或少的裂紋 & 崩塌情況出現)

總結今次做皂成績都尚算OK，但仲要等4-5個星期後，
測驗ph值後，才可知道是否合格，適合使用．
下次再做的話，一定要小心掌握時間，
要在皂液不太杰時便落模(但又怕攪唔夠，影響鹼化)，
不過我諗做多幾次，熟左個感覺就知道落模的 timing．
大家一齊期待我下一次o既 "傑作" 啦!

後記：將做好o既皂皂 & 潤唇膏 pack 好，送比朋友作為生日禮物，
雖然唔係好值錢，皂皂又有d瘕疵 不過老友收到非常開心，
仲好欣賞我o既心思添．