吃喝玩樂@東龍(極hea篇)

食飽飽之後，便開始今日o既行程，大家先o係 e 個牌坊下留倩影．

今日風大浪高

(失圖)

吹到我個髮型亂晒大籠

細粒粒的威仔擔心被大浪捲走

(失圖)

擁有9kg 體重o既肥丸就放心大步大步走過

終於到達草坪，大家搵個有利位置hea 番陣．

(失圖)

小雪疑似電兔上身

難得Coey 想去認識新朋友，可惜啃左大大個檸檬，
其實睇見B頭著到一身黃kam kam 就知會咄事啦．

(失圖)

惟有疊埋心水，痴番住來者不拒o既肥滔．

(失圖)

肥丸'鴿'到個無人認領的狗袋

職業病發作，暫時幫手保管住先．

(失圖)

眼見自己個袋比肥丸mark 實，兩位小朋友十分無奈．

離開草坪，就去參觀炮台遺址．

(失圖)

e 幾級樓梯好高，肥丸跳極都跳唔上．

惟有向我求救

今日o既"炮台管理員" 係 滔氏兄妹

(失圖)

由炮台再往上走，就係一失足成千古恨的縣崖邊．

崖邊有個警告牌，但越係警告，d人就越mou 埋去影．

業餘攝影師老點校長，話企出d 影出黎o既效果會更靚．

純品o既校長不疑有乍，越企越出．

(失圖)

全無危機感，仲坐底擺晒pose．

肥丸猛咁爭扎，嚇到口吐白泡．

原來背脊對住個萬丈深淵

怪不得一路影，頸柄一路涼浸浸．

稍一不慎，差錯腳肯定粉身碎骨．

＊ 是次活動餘款$760 全數捐助元朗狗場購買物資用 
＊＊(典解有咁多 $ 淨呢 ) 皆因有位公私事都極繁忙o既家長，
繳費後先發覺果日唔得閒；按照校方慣例，所繳費用一律充公，
歡迎其他家長照辦煮碗，多謝多謝．

再加上校長貧賤不能屈的個性，堅持力爭才免被屈的厄運，所以累積善款共$760．

 後記: 今日我地團友中出現左位super model

除左好識擺 pose 之外

仲好愛錫小動物

又好盡責咁幫我拖住肥丸

雖然好似係肥丸扯住佢行多d

最重要係當佢見到街上有隻被人遺棄的小狗(由bibe 客串演出)
佢就義不容辭咁拉埋bebe番屋企

而家 d 港童太被保護，刁蠻任性，自我封閉，整日沈醉在虛擬世界裡面，完全無經歷，
更別說要面對錯折; 希望家長們鼓勵小朋友出外走走，接觸大自然，
學習與人溝通，與動物相處，嘗試去解決問題和接受挑戰，這才是真真正正的成長．