快樂聖誕大餐

一場黎到大尾督，最正就係BBQ，可惜我感冒未清，
所以要一改BBQ o既慣例，其實路邊都有好多環球美食可以選擇，
今天我地就去左間意大利餐廳慶祝聖誕!

 e 間餐廳門口o既佈置好可愛

不過肥丸眼神望住另一間，似有更好o既選擇．

最終揀左肥丸推介o既意大利餐廳

先黎餐包 & 忌廉湯

肥丸非常之欣賞

意大利菠菜雲吞配鴨胸

西冷牛排配薯菜

香草忌廉天使麵

海鮮煙火雞 pizza

佳節當前，又點會漏左肥丸o既聖誕大餐呢．

餐茶我揀左熱朱古力

食店評分:

環境 x 3
室內裝修幾骨子，室外地方唔算大，但坐落都舒服，
記得要留意出面馬路，經常出現車與單車爭路o既混亂場面，
帶狗o既朋友尤其要小心安全．

服務  x 2.5
唔係係咪假日無人手，今日全程都係得2個學生妹招呼．

食物  x 3.5
 4 款 set lunch，4 款都岩我胃口，
 但其實佢地可以考慮 + d 有節日氣氛o既特色食物 ，
 帶多ｄ holiday mood 比客人．

價錢  x 3 合理
難得聖誕假期都無承機劏客，係一間良心餐廳，有機會必定要番兜．

快樂聖誕@大尾督

每年聖誕新年期間，都會同班老友入大尾督行大運，今年亦都唔例外． 

去片～ 

 出發前先同肥丸o係廣場影番張相，可惜個衰仔八八卦卦周圍望．

時間關係，轉眼就到左目的地，肥丸上年都有黎過e 度架喇．

但佢認錯地方，以為我地o係e 度開餐．

仲企高叫waiter 想落order

點知等極都無人so佢

認真on 居兼失禮

惟有面懵懵坐番低

查實我地另有開餐地方，

KO 左個聖誕大餐，就去水壩散步，
雖然今日天色麻麻，但仍然好多人玩風帆．

同埋放紙鳶，不過好多都撞樹．

除左風帆外 

水壩上更多踩單車o既人

而大部份係全無技術可言，S形駕駛．

(失圖)

所以我都係同肥丸行左一陣就番歸

回程經過茶水亭

忍唔住又買左Ｄ小食

邊欣賞水塘風景

＆遠在霧中的八仙嶺，別有風味．

～　明　年　再　見　～

60大壽飯局

今日另一個目的係補祝朋友的 60 大壽，無錯係 60 !!!
所謂 : "人生有幾多個 10年"，好值得賀賀佢．

於是乎上一餐都未落格就去開定位

雖然肥丸已經玩到好倦

但仍然唔肯入袋瞓教豬

原因係另有企圖

因為通常都會有好心人唔忍心，見到佢個屎樣而比o野佢食，

話口未完就有人中計!

(失圖)

小雪同小威都想以校監為榜樣

話咁快就起菜，先黎海鮮豆腐羹．

(失圖)

白切雞半只

(失圖)

蒜蓉炒菠菜

(失圖)

芙蓉豆腐 (材料同海鮮羹一樣)

(失圖)

檸檬蒸烏頭  

(失圖)

例必有位飯桶叫"靚仔"

祝壽星婆 "年年有今日 歲歲有今朝 身體健康 生活愉快"

吃罷，本打算直接乘搭平靚快的 968 直接回家，
無奈司機突然腦退化，兜極都兜唔番入市中心，
惟有跟車出九龍，出到九龍又遇上大塞車，幾條友焗住入西隧過海，
既然去到西環，唔差在食埋糖水先番歸，卒之又走左去'荷蘭'．
(失圖)

團中有2名病人，所以大家今次叫o既糖水主打:
"穩陣" 我叫左個益腦的合桃露

(失圖)

薑汁番薯糖水

(失圖)

腐竹糖水+湯丸

(失圖)

薑汁湯丸

(失圖)

紅豆湯丸

(失圖)

今日又再次打破紀錄，短短幾粒鐘又B又晚飯又糖水，仲由新界西食到港島西，
希望出年再下一城，食遍全港九．

預祝聖誕遊山莊 (Part 2)

影完相再會合攝影C，點知佢一到步就喊肚餓，於是即刻起爐作法．

 一包包排列整齊的5臟廟祭品

(失圖)

個火都未著透，一隻二隻餓鬼就隊晒個叉埋去．

(失圖)

閒日黎B真係好爽，我地包晒場 美中不足係吸引大批烏蠅，
搞到我地D 燒烤包好似豆豉醃製咁．

肥丸就一邊休息一邊準備執屎雞

祭好5臟廟，就搵條簡短的路線行下幫助消化，

今日同行有位諸事八卦女人，所以揀左ｅ條路線，夠晒應景．

(失圖)

前面大塊草坪，岩晒我地落腳．

(失圖)

例牌又影番幾幅大合照

再前行見到個靚靚雲石地台，肥丸即刻埋去霸個靚位．

趁天未黑，拿拿林又影幾張合照．

媽咪話好中意e 個背景，所以連環係咁影 ，
下面果張係用cheap 機影，明顯較光．

反而大機影出黎就較暗，但背景顏色比較柔和．

影完相，經過粟米田，就踏上歸途lu ~

(失圖)

預祝聖誕遊山莊 (Part 1)

一年容易又聖誕，ｅ個節日o既活動多蘿蘿，
假期還未開始就要先同肥丸去玩番轉．
今日天公亦為我地造美，風和日麗天氣正到爆． 

 先o係入口o既亭台樓閣留倩影

難得有條吊橋做背景

但有人好無聊，騷擾肥丸過吊橋．

仲o係肥丸隔離又跳又叫

(失圖)

搞到肥丸步步為營

仲叫救命添

好彩趁機逃出魔腳

(失圖)

上左岸仍然覺得暈跎跎

眼神迷茫

都係痴住媽咪腳邊穩陣

當堂 sharp 醒晒

趁攝影C未到，我地到處遊覽一下．

肥丸表演捲脷　　

個大樹菠蘿成個小雪咁大

遊覽車完畢，就搵達地方歇歇．

由於剛才肥丸為左追個偷袋賊，追左9 條街．

所以索晒氣，要抖抖．

... 待續