手抱o徙屎遊城門

咪以為我地大熱天時，走去行山咁痴線，其實E篇遊記，
早在個多月前，只係一直無時間寫，所以而家先至面世．

話說某日突然收到一封題目為"獲利回吐"的衣貓，
原來一位多年來白食白住的家長終於覺悟前非，邀約校董會各成員晚飯謝罪，
聖經有云: 原諒人 70個7次，即足足有490餐有排食．

食飯前循例搵個地方兜番轉

今日天氣都幾悶熱，出發前先飲d水先．

龍門郊遊徑o既入口/(出口)

賞蝶園

但其實入面都唔見蝴蝶，反而好多馬騮．

佢地完全唔驚人

為免布甸對馬騮結義金蘭求其影2幅相就起錨

聽聞e個景點係必影之選

我地當然唔會放過

遠 >> 中 >> 近3個唔同距離都影一餐

仲有solo 照，不過好似out focus．

再前行不久又到達另一個必影靚景，果然名不虛傳，風景十分憂美，
淺綠色的水，令我想起Ｎ年前曾遊覽的九寨溝．

但聽講Ｅ度水漲同水退的風景相差好遠

所以要揀岩季節先好黎

  

說時遲那時快，布甸已經埋位．

我地亦唔執輸

肥丸 + 靚景

e 幅構圖好搞鬼，各有各美態．

肥丸影到倦晒

一聽見走人去醫肚，即時醒番．

先o係小食亭隊番串魚蛋燒賣

點知顧著食， 唔記得call車，司機叔叔好好人， 見我地手抱size，
唔介意載我地一程 e 2 位家長從未坐過小巴，顯得手忙腳亂．

偷渡當食生菜的校長 氣定神閒

布甸則沾沾自喜，心諗:"誓估唔到我咁o既身型都算係手抱size，騎~ 騎~"