香港有機農莊

今日接到攝影師急call 話家中無米開飯，靈機一觸，
走去有機農莊'that'米，順便去探下班貓友狗朋．
不過要到有機農莊必先經過條長命斜，咁又岩o既，唔辛苦點得世間財，
無毅力無決心又點會買到靚米開飯呢．
 睇下ｄ屋越黎越細，就知我地越行越高．

雖然行到喘晒氣，但遠望對面的山巒景色，

身心豁然開朗，就幾倦都值得．

(失圖)

千辛萬苦終於到達目的地

ｅ度的貓貓狗狗唔只係莊主o既寶貝，而每位更身負重任．

首先係守門大將軍小黑(今日吞port 瞌眼瞓)

(失圖)

仲有負責收入場費的豆豆 (亦係形同虛設)

(失圖)

迎賓 -- 老虎仔 

行山見到佢實會嚇親

因為佢d 花紋真係同老虎一樣架

(失圖)

最有大姐大風範的 汪汪

(失圖)

短尾整親隻手呀! 好彩只係皮外傷o者!

(失圖)

入到去即order番杯清甜o既有機豆漿

(失圖)

負責落單o既係樓面貓貓

(失圖)

e 位係靚靚
(唔好比佢個名誤導，原來係位怕羞的男生)

(失圖)

正在接受陪訓的 trainee

(失圖)

食飽飽 無o野做

(失圖)

竟然走去玩偷襲

(失圖)

豆豆見慣世面，唔做收費員，可以去做PR．

睇佢同妹頭幾好傾

傾到慶起 仲玩埋十五二十添

大家從另一個角度睇下豆豆o既無影手

＊注意:
 妹頭係經過嚴格o既瞓練 ， 先可以同豆豆玩 ， 大家切勿模仿．

搞搞下差唔多天黑，又到左番歸o既時間，

攝影師購得限量版的有機靚米， 

滿心歡喜地踏上'龜'途 ， 身傍的汪汪飛身歡送攝影師，叫佢咪阻住收工．

(失圖)