睇vet為名，掃街為實

早前發現妹頭除左又盲又聾之外，後腳亦有Ｄ問題，
有時行路仲會交叉腳，搞到一仆一碌，連大小便扎馬都唔夠力，
為左唔想佢變成'星之貨幣'的主角，要快ｄ帶佢去check check．

妹頭:媽咪又話帶我去睇醫生，咩事黎左食蛋撻呢．

(失圖)

媽咪: 難得黎到九龍城，當然要試下阿蘇推介o既美食，

尤其蛋撻係我o既飛佛，只要係出爐蛋撻，我都會覺得極之好味，

今日咁岩撞正出爐時間，熱辣辣認真一流'．

(失圖)

前行不遠，就係公和豆品，間舖擺設好懷舊．

(失圖)

順理成章，食番碗豆花，唔需要落太多糖都一樣香滑清甜．

(失圖)

原本計劃過對面買謝寧蝴蝶酥，點知重門深鎖．

(失圖)

原來逢星期一休息

(失圖)

距離妹頭o既vet appointment 時間差不多

(失圖)

但途經阿蘇介紹的 '清真牛肉館' 又怎能錯過呢?

(失圖)

估唔到食牛肉餅都有最低消費？

(失圖)

因為唔知價錢，於是乎我叫左2件堂食 2件行街．

(失圖)\

一啖咬落去，真係超多肉汁，好juicy 埋單先知$10/件，
我覺得貴左少少，$8 會較合理．

(失圖)

睇vet為名，實質掃街，差ｄ食到過晒鐘，趕到去診所時間岩岩好．

經醫生初步檢查，話妹頭只係老人家的骨骼關節退化，
可以吃一些supplement (妹頭一向都有食開魚油 & OPC)，
又或者可以考慮針灸．針灸4次為一個course，
但每隻狗對針灸各有不同效果，我見一場黎到，本人都試過因為腰背痛去針灸，
但針過一次已經怕怕．

不過以妹頭 lum樓都唔行開o既特性，一定難唔到佢．

佢後腳，背脊＆頸上都吉了針針．

(失圖)

依然面不改容好老定

今次total吉左19支針，醫生話第1次針 10分鐘就夠．

(失圖)

針灸房裡面有位貓大哥負責維持秩序

(失圖)

妹頭即係妹頭，任何時間任何環境都可以瞓得著，

連 d 護士姐姐都話佢好o野，下次要記得帶埋個枕頭仔比佢至得．

(失圖)

最妙係醫生見妹頭舌頭血色不足 +上3個月前驗血都顯示佢有d 貧血，

所以開左維他命丸比佢食．

(失圖)

以前每朝每晚的餵藥已經成為左我生活的一部份，

自從cookie 走左之後，連藥都無得餵，生活變得好頹 ，

如今又可以餵妹頭食維他命丸，真係超正! 

粒維他命丸 足足成個5毫子咁大    

(失圖)

最近聽聞朋友仔隻松鼠狗懷疑飲水落錯格攪到肺炎，

而妹頭飲水時亦經常出現濁到嘔水的情況，都咪話唔驚 於是乎，

買左個座地走珠水樽比佢用．

(失圖)

妹頭好叻女，教左2次就識用 只係有時睇唔到個出水位，而亂撞一通．

晚上已經識得自動自覺去水樽飲水

因為妹頭成日以為個兜度有水飲，所以要放隻八爪魚o係個兜度，

佢就唔會再咁on 居．

用左個水樽2日，濁親o既情況明顯減少(但仍然有)，

希望個水樽可以幫到佢，唔係飲水濁死就認真唔抵!

同場加影妹頭的哈囉喂造型

歌后傑作 ~ 南瓜熱狗'

(失圖)