肥丸中B獎 之 覆診

肥丸食左藥成個星期，又係時候帶佢去覆診o勒．

肥丸以為有街去，點知原來係睇醫生，成個無晒心機． 

突然發覺地下個袋有 d 怪異

究竟係乜東東呢?

(失圖)

原來係隻小約瑟，佢個名叫'豆卜'，今年3歲．
今日工人姐姐帶佢黎打針，工人姐姐話，

自從豆卜主人生左BB 後就唔再理豆卜，而家一切起居飲食都由工人姐姐照顧．

(失圖)

我地同比熊特別有緣，佢叫'比比'．

(失圖)

佢只係少少皮膚問題，好快就會好番架喇．

(失圖)

然後輪到肥丸喇，我將佢啪丸後o既 豬頭照比醫生睇．

但醫生又話唔係藥物敏感，

果晚見到肥丸又紅又腫又癢，真係心痛屎我．　

我見好多狗狗通常食左1個星期藥後HCT不升反跌 ， 

所以對今次驗血期望不大，

好在肥丸都好爭氣，一切正常番晒，連血小板都達標，

但紅血球仍然差0.7%先及格，所以仍需努力．

惟有繼續食藥，同埋盡量煮多D肉肉比佢食．

(失圖)

(失圖)

我會同肥丸會努力加油，一齊打贏 e 場仗．

希望下次驗血全部及格之餘，同時脫離 '蜱'情城市 !!!