最後一個生辰

<< HAPPY & HEALTHY BIRTHDAY TO MY DEAREST COOKIE >>

靚爆鏡的cookie 盡得媽咪珍傳 

曲奇:'咩珍傳呀? 傳真我就聽過fat屎丫馬!'

自從2008年2月初，農曆新年假期前的幾天，cookie在散步途中突然暈倒，
醫生說：他的心臟病已經到了末期，但情況不算太壞，幸運的可以多活1 - 2年，
但醫生亦同時補充cookie有機會隨時昏睡不醒．
望著當時只有10歲半的cookie，我的心很痛，也很內疚，
是我不懂照顧他嗎？是我對他不夠好嗎？

等我細心諗下有無被媽咪待薄先 

曲奇: '諗到有d 眼訓, 妹頭借個背脊黎眠一眠'

妹:'o華~ 乜鬼o野咁重壓落黎呀?' 

見係cookie哥哥就無所謂啦，肥丸就．．．

比埋個肚dum 你枕又點話

期間cookie仍然時有昏倒，有時在大小便後，有時是在沖涼後，
有時是在歡迎我回家後，有時在與肥丸玩耍或打架後 (他好像不知自己有病在身)，
有時是無原無故，...．
我由最初內心極害怕他從此一睡不醒，到後期對他的昏眩習以為常
(只是在家裡放了氧氣筒，以備不時之需)．

半年時間過去，08年10月，cookie突然肺積水，而且情況並不樂觀，
明明是病情已經穩定了，為何突然急轉直下呢？
已經鬆懈了的我開始意識到cookie也許真的要走了．

醫生見我哭喪著臉，怕我承受不了，便建議我把他留院，
甚至叫我考慮送他一程，但縱使cookie要走，我仍然希望他能在我身邊離去．
於是便把他帶了回家，而我亦搬了回娘家，方便照應及覆診．

在婆婆家中休養期間

1家3口搬晒落婆婆屋企，本打算同cookie '倒數'，

但睇黎似係媽咪自己'倒數' 多D．

cookie的情況十分反覆，每次醫生都叫我作好心理準備，
而cookie的粉絲們都紛紛來與他道別．
由於cookie不能躺下睡，每晚我讓他倚在我臂彎，有時咳嗽令他不能安睡，
我便陪他閒聊，'悶'他入睡．

日子一天一天的過，我哭過一次又一次，淚腺及荷包都已乾涸，
連醫生也奇怪cookie何以每次都能準時覆診(本來估計他命不久矣)，
直至過渡聖誕，醫生也不禁說cookie是聖誕的奇蹟．

住左好耐都未有人或小狗埋單，一家又拉大隊番自己屋企．

曲奇：'o係婆婆度 住得好地地做咩又搬番自己個狗竇呀?'

經過婆婆'教導'後倀雞妹亦變得友善左

據講 e 隻雞條，就係傳說中o既 '還魂雞條' o勒．

為左配合cookie超咀刁的口味， 朋友送來多款狗糧，
 日日開自助餐，可惜都係時食時唔食．

(失圖)

之前曾經愛上這款罐頭 但現在又不吃了

(失圖)

曾經有人說我自討苦吃，寵壞cookie，令牠挑食，
但當你要照顧一位'時日無多'的小朋友，你就不會計較他的任性，
只求他盡量吃多一點，由其要讓他把藥和補健品吃下．
再講，cookie除了咀刁外，他是近乎 PREFECT，100分的好孩子．

特別要感謝在我情緒最低落時，各方友好的鼓勵及安慰，
使我漸漸明白，其實死亡並不可怕，只是離別令人傷痛而已．
cookie生時有我照顧，走時有我相伴，相比起孤獨終老的我，cookie實在一生是福．
而我亦由從前的哭哭啼啼，變得勇敢面對現實，盡力照顧cookie的同時，
亦盡量帶肥丸妹頭出外走走，既可減低獨力照顧cookie的壓力，
亦不會忽略家中2位小狗．

#1屎肥丸固然不能忽視

#2盲妹更不容忽視， 因為佢o既獨門絕招就係 ... 賴尿．

相片中的床褥已經比佢一泡尿斷送左去堆填區

上月，cookie再次因為肺水腫而危殆，醫生認為我們可以做的已經做了，
目前只需盡量陪伴他，給他喜愛的食物，好好的陪他走最後一程．
今年的七一極可能是最後一個生日，我不會奢望他痊癒，
只望他走得輕鬆，如願足矣．

街坊鄰居都很關心cookie，這是他最近在管理處'頂更'時攝．

* 曾經有朋友（及我媽）都勸我把cookie送走，
堅持把牠留下來並非出於自私，而是當你看到cookie渴望零食的眼神，
擔著玩具來到我跟前，作勢要跳上sofa的模樣，...，
你便會知 it's NOT the time. 只要他未放棄，我必定陪他堅持到底．

相信當那刻要來臨的話，我會感覺到．