Q版羊毛狗 之 全軍覆沒

話說某日，有位家長臀部痕癢，突然興起學習製作羊毛狗的念頭，
這一團火同時把霍士燃燒起來，向來無咩所謂的啜奶亦被拖埋落水，
由於課程需要4人同行才能成事，在3缺1的情況下，
我便成為了陪葬品．

第一堂，導師先介紹各種材料及工具的分別，然後播放了製作過程的短片，
看似容易，但越整越唔對路，明明是做頭部，但卻變了一舊飯糰，
對耳又隻大隻細，完全唔知自己做緊咩，3個鐘頭好快就過去，
導師為我們配了顏色後，下星期便要交出製成品．

(失圖)

下課了，大家你眼望著我眼，一團烈火被無情的冷水潑熄！

第2天，4個毫無頭緒的人一想起下星期要交貨，馬上又再繼續努力，
在互相鼓勵(踐踏)下，大家都充滿信心(疑惑)日篤夜篤，
終於出現左個較為似樣o既物體．

淨係個公仔都勉強收貨，但一同幅相對比，就好唔掂

(失圖)

好對唔住布甸，你咁靚女竟然比我搞成咁 

面上黑色並唔係眼睛，而係布甸特徵smokey eyes