Q版羊毛狗 之 大功告成

斬下眼又到左交功課的大日

帶住2隻無師自一通，
但又頗為滿意的半製成品 (money & 布甸) 番學校見老師，
不出所料，老師一見到就皺晒眉，
好明顯，老師同我o既審美眼光有好大差別．
於是搵個理由替自己開脫，"我的目標只係整Q版，所以唔使太刻意"．

跟老師提議的方法略為修改． '點睛' 後，2隻可愛精靈的Q版小狗活現眼前．

番到屋企左睇右睇，覺得仲有改良o既空間，於是乎將money o既面豬登+厚d，
鼻接位篤深d，然後在耳邊和眼睛上分別加了少許黑色和深灰色的毛毛．

雖然仲有好多飛出黎o既毛毛，要慢慢修，但希望laisee滿意，
比小money 入住佢府上的水晶櫃．

至於布甸，我自覺頗為滿意，只係唔夠啡色羊毛，所以篤唔實，
而家+左羊毛，再+多條頸連，就成為'豬肝補氣'的小布甸．

咁岩甸媽被派遣塞外，希望小布甸可以解佢單思之苦．

襯早上有陽光，再影多張合照．

<<   大  功  告  成   >>