舊地重遊珀麗灣

每次踏足珀麗灣似乎總是和'狗狗'扯上關係，約在5年前．

我第一次踏足這個稱為'狗狗天堂'的小島，是因為狗場內一隻年老的約瑟爹利(happy)
被一位住在這裡的好心人收養，及後另一隻黃北京(dicky)
亦被一位住在這裡的義工朋友收養，我便開始經常到珀麗灣探訪小狗及到處逛逛．
後來朋友因工作關係離開了香港，我就再沒有造訪這個地方了．

上月好友為一對被遺棄的小白威找到了新主人，而新主人正是珀麗灣的住客，
於是我們便相約探望小白威，我亦藉此帶同妹頭一起重遊這個豁別多年的'狗狗天堂'．

一抵步，碼頭廣場沒有多大變化，但住宅樓宇在這幾年間以倍數遞增，
真多虧地產商的'拓展'，使本來標榜'環保之城'變了高密度的住宅區，
幸好有昂貴的管理費來維持公眾地方的潔淨，縱使狗來狗往，
公家地方依然整潔，值得一讚．

媽咪話帶我舊地重遊，原來係去珀麗灣，隔左幾年個碼頭都無咩變，
但對面就多左間6星級大酒店 

(失圖)

以前坐船可以光明正大坐出黎，後期就規定要入袋，
我好守規舉，乖乖o係袋入面睇風景．

(失圖)

咦~ 開船喇喎

(失圖)

到左青馬大橋, 媽咪就捉左我出黎影相

(失圖)

可惜佢都影唔到條橋 ，o徙氣 ．

E幅都好勉強下喎

(失圖)

不如正正經經落左船先影啦

o拿~ 末幾好lor~ (不過唔知點解影到一幅背光, 一幅又爆光)

等我都o係廣場度影番張靚相先

影影下, 遇到一隻超可愛o既芝華華, 佢得4個月大咋.

雖然今次o既主要任務係家訪小白威，但以媽咪o既性格，
又點會放過任何去玩o既機會呢，見到沙灘，當然要落去游番兩轉，
不過由於E個沙灘o係碼頭旁邊，所以水質麻麻，仲有d 油污添，
不過o係HK狗狗可以去o既沙灘少之極少，惟有相就一下．

狗狗可以一面望住宏偉o既青馬大橋  一面游水．

(失圖)

我周圍行下, warm up 左先

哎o也~ 有隻狗狗追我呀

都係媽咪抱番穩陣 

咦~ 阿B已經落左水  仲玩吠浪添.

(失圖)

咁我都唔執輸, 游番陣先.

阿B d 腳趾好似海星

(失圖)

原來包包只中意游泳池, 所以扭計仔.
(失圖)

游游下又見到疑似'呃你唔落'

(失圖)

拿拿聲上岸, 但只見媽咪對拖鞋, 唔見人,
唔通比'呃你唔落'沖走左

喂, 媽咪, 你o係邊呀?

媽咪都未搵到, 又遇到另一隻熱情o既poodle, 佢個名叫阿bob,

佢本來同成家人黎游水, 但唔痴主人, 反而痴住我地, 仲搞到我成口沙添.

(失圖)

原來媽咪掛住部新屎坑, 佢話同姐姐影多兩張合照就可以走人.

好o野~ 收工喇

(同場加影: 阿B出浴片段, 要家長指引先好睇呀)

(失圖)

(失圖) 

(失圖)

(失圖)

沖乾淨涼當然又要去擦番餐

>阿B以為佢有份食, 所以坐得一本正經等開餐.

(失圖)

包包坐左陣，好快就瞓著左lu~

(失圖)

雖然只係下午茶, 但絕對唔可以睇小我地o既'食力', 先黎一個咖哩雞

(失圖)

再黎一個京都骨, 酸酸甜甜好開胃.

(失圖)

仲有沙爹牛肉金菇 (我覺得咸左d)

(失圖)

E味滑蛋叉燒係家常小菜

(失圖)

蝦膏炒通菜, d 蝦膏好香好野味

(失圖)

最後每人再黎1杯非常解喝o既紅豆冰  令成個行程完滿結束

(失圖)

後註:  大家覺唔覺室內影果幾幅相 d 微粒好粗呀? 唔通有d setting 較錯左