肥丸插水記

今日見媽咪神神秘秘拎左妹頭個袋出黎，唔通想賣甩我帶妹頭去玩，好在出發前，妹頭隻眼唔知點解瞇瞇下，媽咪突然改變主意，拎左個大size 狗袋出黎．

即係臨時轉馬，無啦啦執2攤有得去玩，
我今次要交足功課做d成績比媽咪睇先得．

去到沙灘，各就各位霸番個靚位就準備落水喇!

(失圖)

(失圖)

本來見到水就掉就走o既我，今次好勇敢，水浸肚仔都唔驚．

仲自己落水搵媽咪添．(肥丸): '媽咪，唔該幫我呃架船仔玩下啦．

話咁快隻船仔就到左媽咪手．

(肥丸): '媽咪，我大個仔喇，你比我自己玩啦．

你地睇我玩沖浪幾有型 

o華，突然有個大浪com 埋厘呀

'噗通'一聲，肥丸都未知咩事，就已經直插落水．

(肥丸): '喂，細路，係唔係你頭先推我落水架？
我去話比媽咪知，你就知驚!'

(肥丸):  '媽咪，救命呀，架船仔蝦我呀!'

無花無假，浸到擰得出水架，好在有媽咪鍚番咋．

媽咪叫我同班'餓底'一齊坐船仔就至安全o勒

(肥丸):  '咪開船住呀，等埋我呀!'

(toby):  '肥丸，快d 比隻手仔黎啦!'　　

點知上到船，突然見到阿woo回眸一笑，驚嚇程度仲勁過頭先個浪．　　

(失圖)

肥丸即時棄船逃走，無奈望住隻船 ...

...越飄越遠

(失圖)

肥丸o既眼神中仍然流露著驚恐之色 

(toby):  '乜我地副尊容好驚嚇咩?'  

(woo):  '唔係我地，係你之馬，我都不知幾英俊不凡'

可能最近肥丸經常參加小組活動，同班朋友仔渾熟左，佢出外比以前輕鬆，有自信．
肥丸今日真係好叻仔，自己跑落水，自己爬上船，希望日後佢都可以放膽去同朋友仔玩，
學懂正常o既社交，建立自信心．亦都多謝咁多位曾經比肥丸兇過o既小朋友，
唔介意同Ｅ個自閉仔交朋友．下次再玩過！