魔幻游泳衣

早在5月媽咪已經定下今年暑假o既活動大計，又船河，又泳池，
又沙灘，媽咪仲買左件泳衣黎迎接咁多精彩節目，
務求要我地過一個 奔 fun o既'心麻'．

(失圖)

但自從媽咪買左件泳衣之後，太陽伯伯就好似失左蹤，
反而風姐姐雨哥哥雷公公就經常出現，令我地接二連三o既水上活動都要延期，
十分掃興．媽咪為左打破E個宿命，襯住上星期d雨停左，就急急帶埋泳衣出發去船河．

出發果時仲係天朗氣清，主人&小狗們都興高采烈o係船上面傾計．

我最中意吹下海風  欣賞下風景,  哎o也~ 吹亂晒我個髮型添.

但媽咪話企咁高好危險  我就乖乖坐番低 

癲民台預測:  多雲 ...

(失圖)

 ... 海有中浪      全中呀!  

(失圖)

無幾耐就去到沙灘, 風和日麗.

(失圖)

仲見到有人玩香蕉船, 搞到我都好想快d 跳落水添.

(失圖)

於是媽咪幫我著救生衣, 就比我表演海龜式泳術o勒 .

o華~ 今日好大浪呀~  d 浪打埋黎  冷得我藤藤震

  

媽咪見我凍就幫我抹乾個身 (注意: 佢件魔鬼泳衣出場喇)

真係好o既唔靈, 件泳衣一出場就風雲變色.

(失圖)

朋友仔紛紛扒番上船避雨 

(失圖)

沙灘上, 只淨番幾隻零亂o既棄艇.

(失圖)

但媽咪仍然好有興緻o係度影相 (背景絕對唔係特技效果, d黑雲殺緊埋黎喇)

睇下~ 個天話黑就黑, &nbsp d 雨話落就落.

(失圖)

就係咁，我同媽咪就成為左最後一批留o係沙灘上面o既傻瓜，任由風吹雨打．
好在同行o既朋友十分照顧我地，轉過頭就扒番黎沙灘接我地上船，真係唔該晒．

又凍又餓，上到船緊係開餐啦，D姐姐一早為我地安排左好豐富o既食物．

(失圖)

有位狗狗朋友生日，佢又係叫'妹妹'，我地仲為佢一齊唱生日歌慶祝添．

(失圖)

食飽飽，媽咪換番件 tee，點知天色就開始轉晴，你地話有無咁邪丫？
媽咪見又好天就問我仲游唔游水，咪喇卦，一陣佢又換番件游衣出黎未大劑．

保你大，當幫幫忙，比機會d朋友仔游下水，
我地留o係船上抖下好過啦．

於是乎, 我地就留o係船上面, 望住人地綠波中嬉戲, 真係羨慕屎我.

(失圖)

媽咪真係有打不屎o既精神，睇下佢o係甲板上一樣玩得好開心．

(失圖)

計我話下次如果預到 d 咁唔穩定o既天氣，希望媽咪帶肥丸去算把喇，
因為佢成隻豬咁，起碼大風d 都唔怕佢會比風吹走丫馬．