風之妹

由於近日我經常無原無故要睇醫生，媽咪一口咬定係因為我妒嫉cookie哥哥，
所以自殘身體引人注意，佢仲懷疑我偷偷帶左隻灰con，搞到要告假帶我去睇眼科咁誇，
雖然我覺得好好玩，但媽咪就嬲到．　　
為左醫好我Ｅ個自殘症，媽咪今日放左工就約埋sue姐姐帶我去清水灣玩，
順便去探下路，睇下有無沙灘岩我地端午節去游龍舟水．

由將軍澳入清水灣真係又快又方便，可惜入面好多沙灘都係由康民署管轄，
所以無我地份，好在我地發現到一個較為偏僻o既小沙灘，
入到去已經有隻狗狗o既度玩執石頭，
無錯，佢o係水度將d 石頭一舊一舊擔上沙灘．

個小沙灘係面對清水灣第一灘, 所以見到對面很多泳客.

(失圖)

e隻就係玩執石頭o既狗狗 -- 阿B, 佢仲識玩風帆添架.

(失圖)

 妹頭): 'Hi B哥哥, 你好嗎?  可唔可以借個風帆比我玩一陣呀?

(阿B '大家老友狗狗, 即管拎去玩啦!'

(失圖)

於是乎，媽咪就好唔客氣咁抱左我上風帆，係咁影，

仲話我係'風之后李麗珊'o既接捧狗'風之妹'，

唉~ 跟著一個咁o既媽咪'瘋之妹' 就有份．

o係沙灘上好大風，吹亂晒我個髮型．
跟住又比媽咪發現左一個千揪，以佢o既性格，當然又要影番幾張留念啦．

個千揪有ｄ殘舊，會唔會lum o既呢．

都係坐番低穩陣d

搞左成個下晝，媽咪都唔記得同大家介紹下個沙灘添，

個沙灘除左有個簡陋o既洗手間之外，

就無其他設施，但如果人少少至在去游下水都算唔錯o既．

(失圖)

妹頭: '阿四，快ｄ抱我番屋企訓教教豬啦，想倦屎我咩．