風采發電站
計起黎都有幾個月無帶狗狗去南丫島o勒, 襯住今日天陰陰,
行起黎無咁辛苦 (he~he~ 要去玩, 總會有藉口o既), 馬上出發!
點知一落船行唔夠10分鐘, 媽咪就比5個字'攔逃截劫' E5個字就係 -- '悠閒下午茶'
E 個叫一口芒果cheese cake (細件到一啖吞晒)
(失圖)
(失圖)
同媽咪o係海邊嘆番個海景下午茶, 真係正.
E 個叫一口芒果cheese cake (細件到一啖吞晒)
(失圖)
(失圖)
同媽咪o係海邊嘆番個海景下午茶, 真係正.
坐坐下仲見到有人練習划龍舟, 斬下眼就划左去好遠lor.
(失圖)
途中又見到出名o既阿婆豆腐花, 當然又要整番碗先啦.
(失圖)
去過南丫島N次, 但始終一次都未上過風采發電站, 搞左半日, 填飽個肚, 就踏上漫長o既斜路,
好在沿途有樹蔭不至太熱, 但我地都行到攤攤腰, 媽咪同我地一齊抖抖先繼續起程.
(失圖)
(失圖)
再行左一陣, 終於見到個大風車喇, 緊係要影低E個歷史性o既一刻啦.
影大合照果時, 肥丸突然發現: 咦~ 佢地髮型同我有d 唔同bor~
岩晒, 一陣風吹過黎, 將我o既髮型吹高左.
大家睇下e個鬆高頭 係唔係將我地o既距離拉近左di di
上到觀景台, 可以遠眺香港仔o既樓景, 不過今日天色比較暗,
所以有d 濛瀧.
回程果時, 仲隊左串泰國串燒(真係好正),
又買左蛋卷&曲奇餅番屋企慢慢嘆
(失圖)
HAHA....... 其實( 阿婆豆腐花)係咪真係好好食嫁!!你住港島區去 去南丫島真係正丫 ,圓圓本來好大隻仔,但係今次同D比熊一齊影,又影得佢細隻仔左好多喎!! 圓圓想錫你嗰張相我好鐘意丫,好温興丫
回覆刪除[版主回覆04/03/2008 14:38:00]阿婆豆腐花好香滑架, 有機會你一定要去試下.
乜肥丸細粒左咩, 但其實果日幾隻狗狗之中都係佢最重, 可知佢係幾肥仔
你咪以為好溫馨, 肥丸d口水好似膠水咁, 比佢 過要拿拿聲搵水洗面
WA.........真唔真丫, 圓圓係 幾隻狗狗之中最重???? ,甘真係睇唔出喎!!! ,我最衰住得甘屎遠丫,豆腐花我好鐘意食嫁!! ,肥丸原來連D口水都甘特別嫁!!! ,不過佢甘多毛,去完玩我諗要整好耐丫
回覆刪除[版主回覆04/03/2008 16:49:00]其實你搭一程968去到碼頭再轉船, 都唔算太遠．
實不相瞞, 每次同 去完玩, 我都得番半條人命, 所以求其抹下腳仔就算架喇.
真是好正, 我次次都行到死死吓,又要睇住3隻野, 所以豆腐花食左都唔覺好味
回覆刪除[版主回覆04/03/2008 16:51:00]你可以試下唔行到牛記咁遠, 中途行上去發電站然後就行回頭路走, 咁未唔會行到屎屎下lor.
風車好靚喎！點解我地每次去都搵唔到嘅 ，係咪係容樹灣附近呢？曲奇餅好味嗎？會唔會太甜！有冇低脂！ 等下次叫 foxmother買 D 番來試試。
回覆刪除[版主回覆04/08/2008 10:35:00]如果你地由索古灣出發, 未到阿婆豆腐之前會有條大馬路, 上山果條就可以去到大風車架喇.
d 曲奇餅好正呀, 係低糖架, 我都醒左2塊比 嘆.
好似好正喎......放假要揾日去吓先
回覆刪除[版主回覆04/08/2008 10:45:00]南丫島真係唔錯架! weekend 好多人都會帶狗狗去行下.
落左船之後係點行去風車果到架？
回覆刪除[版主回覆04/08/2008 10:52:00]如果你地由榕樹灣出發, 向洪聖爺沙灘方向行, 過左阿婆豆腐之後會有條大馬路, 上山果條就可以去到大風車架喇. 若果由索古灣出發, 條大馬路就o係未到阿婆豆腐之前.
唔好講笑,唔去牛記食飽點,怎有力氣抱fox上斜路呀!
回覆刪除[版主回覆04/08/2008 11:20:00]果條斜路唔太斜南丫島大把o野食, 唔一定要去牛記o既, 不過牛記又真係方便好食就真