花樣年華的Cookie 仔

各位auntie, uncle , 您地好!

自從上星期四手術以來, 多謝你地o既問候, 雖然我傷口仲有少少痛, 

但有你地o既關心同埋媽咪o既照顧, 我已經好番好多喇! 

今朝早媽咪番工前帶我去婆婆家, 途中我仲痾左篤前所未有o既靚屎, 

媽咪望住篤屎, 差d感動到喊左出黎, 因為人地話手術後第一篤屎好重要架!

其實一直以黎我身體都算托賴, 以我9歲半o既花樣花華, sorry, 應該係叫花甲年華至岩, 

好多時去玩, 我仲玩得勁過d後生仔(狗), 加上我個樣生得cutie, 

人地都以為我只得3, 4歲架咋, 但事實我心臟就有雜音, 肝酵素亦超標, 

所以今次雖然係一個簡單o既手術, 不過媽咪真係好擔心, 更麻煩到好多auntie, uncle 比意見佢, 為報答各位對我o既關心, 我cookie仔一定會好快好番, 遲下再次同你地去hea!

cookie:

[我已經o係1月22日去醫生度拆左線喇, 醫生叔叔話我o既傷口埋得好好, 一切都理想, 

不過仲要等驗石o既報告番黎, 先可以決定我日後要食咩糧/藥,

 期間我就唔可以食任何零食lor, 媽咪好心急, 希望可以快d收到個報告啦.

一直以黎, 多謝大家o既關心&問候, 一有消息我會再同大家講架喇! ]

Hi, 各位關心cookie的朋友, 自從知道cookie需要做膀胱石的手術後, 

o係過去幾個星期, 我寢食難安, 亦曾經好自私咁諗, 為左唔想失去佢(驚佢麻醉後唔醒),

 用好多藉口去拖延個手術, 為左怕佢離開自己而唔比佢早d接受治療.

 

後來我發覺自己憂慮太多, 如果做手術係必須o既話, 麻醉就係無可避免, 
除非我唔打算醫佢, 越拖, cookie只會越辛苦, 病情越差.  而麻醉唔係想象中咁恐怖, 
最重要係病向淺中醫, 越早知道個病, 越快對症下藥, 對隻狗就越有利 
(起碼唔使佢o係拖延期間受苦).

希望大家唔會犯我同樣o既錯誤, 更祝福所有小貓小狗身體健康!
jackie [竟然無靚女插圖代表我添!]