怪獸呀!

(失圖)

(失圖)

(失圖)

今日媽咪帶左我地3兄妹上山頂, 我地最中意去山頂架喇, 

20分鐘就到, 直情係好似屋企後花園咁方便. 而且一落車就有草地, 任我地跑跑跑,

 連平時唔多願郁o既妹頭都會走番兩轉架.

o拿~ 你咪睇我地3兄妹影相時好似貼錯門神, 9唔搭8咁呀, 當我地見到怪獸出現o既時候, 

就即刻會發揮我地o既小宇宙, 就係一齊走埋去八下o勒!  Cookie哥哥真係好勇敢架, 

係佢第一個走埋去隻怪獸度嗅下先, 我同妹頭見無咩危險, 又去八埋一份. 

啊~ 原來唔係怪獸黎架, 佢係一隻蘇格蘭牧羊犬, 佢o既毛毛係天生卷卷, 好得意架, 

而且佢好友善, 企o係度比我地e 班大鄉里開眼界.

媽咪同怪獸o既主人傾過, 佢o既毛毛係要特別護理架,

媽咪話有好多人只係追求狗狗o既品種, 完全無考慮到每種狗唔同o既特性, 

同埋照顧佢地o既方法, 好多時照顧得唔好, 有皮膚病, 或者根本唔識/無耐性 打理/訓練, 

甚至嫌棄狗狗長大後o既體形過大, 而將佢地遺棄. 

e 種咁自私, 咁唔負責任以及全無基本常識o既行為, 實在係唔要得, 所以希望大家養狗之前, 

要好好考慮清楚, 了解清楚, 咁就唔會有咁多不幸o既狗狗被人遺棄o勒!