火辣辣的聖誕節

(失圖)

日期:     12月25日(星期一)

地點:    diamond cafe

不知是溫室效應還是狗友們的熱情, 使今年的聖誕節格外嚴熱,
即使只穿了短袖衣的我, 仍然是汗流浹背.

今次同歡目的地是Diamond Café, 中午的陽光把整遍草坪照耀得綠油油,
狗主們都躲到棚下乘涼, 但貪玩的小狗們卻不懼猛烈的陽光, 跑到草地上自由奔馳.

我的小狗cookie自有牠的一套解暑妙法, 牠玩倦了便跑到泥漿裡翻個跟斗, 降降溫.
當狗友告訴我, 看到一隻貌似cookie的小狗在外跟人家盪鞦韆,
我才發現牠又發揮牠外交家的本色, 四出結交新朋友, 慶幸人家不嫌與一隻泥鴨打交道.

4個小時的燒烤略嫌意猶未盡, 但為了要趕上時間表, 我們開始交換禮物及幸運抽獎的環節,
 各狗主們都滿載而歸.  當大家以為活動即將結束時, 兩位神秘嘉賓 – 聖誕老人突然出現,
將整個活動推至高潮, 大家與狗狗們爭相拍照, 就連其他的遊客都不甘後人,
搶著要與聖誕老人拍照留念, 氣氛熱鬧搞笑.

我今年的聖誕節特別忙碌, 亦特別開心, 因為除了要照顧自己的3隻小狗外,
亦在假期間暫養了2隻小西施, 為想一家同歡, 我冒險把5隻怪獸一起帶出來,
多謝各位朋友當日幫忙照顧, 使我一家有機會共聚聖誕節,
更高興的是能夠與一班知己狗友一同歡渡佳節.  多謝大家.

再者, 特別鳴謝兩位神秘嘉賓 -- 懵仔與忌廉, 除了令人抱腹的扮相外,
當日的狗狗美食亦是出自他們之手, 實在感謝他們一直以來支持我所舉辦的活動.
希望07年有更多的機會與大家及狗狗們出來遊山玩水. 

*當日的車費餘款, 除了用作購買抽獎禮物外, 淨餘$110 將用作購買物資送捐元朗狗場,
好讓一些被遺棄動物亦能在這個普世歡騰的節日裡感到絲絲溫暖.

薰衣草園BBQ浪漫之旅

  咩~咩~   

 薰衣草場

燒帶子好好味

(失圖)

 乳豬全體

(失圖)

日期:  12月2日(星期六)

地點:  薰衣草園

12月2日的早上氣溫驟降，市區的溫度只有17度，但寒冷的天氣減不退一群愛狗人士的熱情，大家興致勃勃的集合，坐上旅遊巴士後，已經滔滔不絕的談起狗經來．
其實帶點寒意的日子更適合與愛犬結伴郊遊，因為牠們擁有一套天生的皮草，
正好抵禦寒流．

今次的目的地是個充滿浪漫溫馨氣氛的薰衣草園，一到步，
看見眼前一片綠油油的山脈襯托著紫色的薰衣草場，實在令人豁然開朗，
而那裡亦是個拍照的最住場景．平時見慣石屎森林的狗狗們，難得到郊外走走，
難免有點失控，狗主們為求拍得佳作，都用盡辦法，又追又請之下，
小狗才勉強安靜下來讓主人們完成拍攝．除了拍照外，那裡還可以嘗試自製香薰蠟燭，
亦可買到一些香草，茶葉，… 等特產，更有魚池及兒童嬉戲的地方，適合一家老幼同樂．

拍照及參觀過後，我們便開始燒烤，我們更預訂了一隻小乳豬，增添了燒烤的樂趣．
園內亦有一些特色小食出售如: 茶果，豆腐花，豆漿，... 等.

薰衣草園的面積不算大，燒烤期間，一輛一輛的旅遊巴士陸續駛到，遊人亦漸多，
整個場地變得熱鬧起來，在熱鬧及擠迫的環境下，為免小狗變得緊張又或影響其他遊人，
而這也是我們切退的時間了．

今次活動除了為狗主及狗狗們帶來一個愉快的假期外，
更令我們快慰的是可以與一些早前被領養的狗兒們再次見面，
當中有數隻在HKDR領養的小狗，如：松鼠Marvin; 西施Camila 及Waldo; 北京Grover，
更有些是在私人狗場領養的如：咖啡，妹妹，…，看到牠們現在幸福的新生活，
就像為義工們打了一支強心針般，縱使面對困難，仍會繼續為無家的小動物而努力．

怪獸呀!

(失圖)

(失圖)

(失圖)

今日媽咪帶左我地3兄妹上山頂, 我地最中意去山頂架喇, 

20分鐘就到, 直情係好似屋企後花園咁方便. 而且一落車就有草地, 任我地跑跑跑,

 連平時唔多願郁o既妹頭都會走番兩轉架.

o拿~ 你咪睇我地3兄妹影相時好似貼錯門神, 9唔搭8咁呀, 當我地見到怪獸出現o既時候, 

就即刻會發揮我地o既小宇宙, 就係一齊走埋去八下o勒!  Cookie哥哥真係好勇敢架, 

係佢第一個走埋去隻怪獸度嗅下先, 我同妹頭見無咩危險, 又去八埋一份. 

啊~ 原來唔係怪獸黎架, 佢係一隻蘇格蘭牧羊犬, 佢o既毛毛係天生卷卷, 好得意架, 

而且佢好友善, 企o係度比我地e 班大鄉里開眼界.

媽咪同怪獸o既主人傾過, 佢o既毛毛係要特別護理架,

媽咪話有好多人只係追求狗狗o既品種, 完全無考慮到每種狗唔同o既特性, 

同埋照顧佢地o既方法, 好多時照顧得唔好, 有皮膚病, 或者根本唔識/無耐性 打理/訓練, 

甚至嫌棄狗狗長大後o既體形過大, 而將佢地遺棄. 

e 種咁自私, 咁唔負責任以及全無基本常識o既行為, 實在係唔要得, 所以希望大家養狗之前, 

要好好考慮清楚, 了解清楚, 咁就唔會有咁多不幸o既狗狗被人遺棄o勒!

划艇仔

媽咪今日又有新搞作

(失圖)

(失圖)

(失圖)

(失圖)

(失圖)

(失圖)

(失圖)

我地行完大潭之後, 一心以為可以番屋企教教豬, 點知媽咪又帶左我去玩划艇仔, 

其實架艇都無郁, 但我就好似企唔穩咁, 屎都唔敢行, 要媽咪抱先可以上番碼頭.

果度風景好靚架, 又有山又有水, 仲有D人摸蜆仔添! 

媽咪話問下如果可以帶狗 (今次係偷雞入去玩o既), 咁下次約埋D朋友仔就再帶我黎BBQ喎!

之後又以為可以番屋企啦, 點知媽咪一個屈尾就車左我去北角, 一間新開o既dog café, 

一去到Jessie姨姨就話頭先B頭o係賣o野果度賴左尿尿, 個收銀姐姐即時黑口黑面, 

所以好唔開心, 於是媽咪地就向職員反映.  我行到又倦又肚餓緊係食飽個肚先啦,

 所以我一於懶理佢地, 仲襯佢地投訴o既時候, 食左好多o野添, 果度張sofa好舒服,

 軟林林, 坐到我唔捨得走呀, he~

食完o野終於番到屋企喇, 一入門口妹頭就猛咁嘈, 媽咪話佢眼仔潰瘍未好番,

 唔可以出街玩住, 所以我就名正言順次次都有份去玩o勒! (^ｖ^)

大潭遇舊友

(失圖)

今日約左班松鼠朋友一齊去玩, 去到燒烤場之後, 媽咪發現很多熟口熟面o既朋友, 

原來係小西灣o既朋友仔, 我地都好耐無見喇.  原來佢地今日約埋一齊BBQ, D野食好香呀, 

聞到我流晒口水, 我忍唔住咬左媽咪塊麥記薯餅一啖, 好好味呀!

Cookie就慘喇, 佢遇到隻喊濕仔肥B, 成日比佢跟住, 

仲流到Cookie仔成個背脊都係肥B o既口水! 咦~

講番班松鼠朋友, 你咪睇佢地細細粒粒, 其實佢地好行得架,

 連12歲o既 marvin哥哥都自己行晒全程, 唔使pat姨姨抱, 佢真係好叻架, 不過佢有個缺點,

就係佢見到大隻o既狗狗就會吠人地, 每次pat姨姨都好擔心佢會惹事架. 

其實marvin 哥哥都係一隻被遺棄o既狗狗, 當佢o係kennel度等待被領養o既時候, 

比隻大狗襲擊, 仲將佢成個下巴打碎, 要即時做手術, 雖然沒有生命危險, 

但佢唔能夠自己張開口仔食飯, 而kennel根本無人手去照顧佢, 幸好pat姨姨不怕辛苦, 

接了marvin 哥哥回家, 每餐用匙羹仔餵佢食飯, 慢慢marvin 哥哥就好起來, 

而且越來越後生靚仔, 真係令人羨慕! 

得寵-- 失寵-- 再度得寵的Apricot

 

(失圖)

(失圖)

Apricot 是一隻細小而又可愛的西施女

她在9歲的時候遭前主人遺棄,
以這個'高齡'被送到AFCD, 本應命不久矣, 幸而給HKDR 拯救出來,
並且為她找到了一位很有愛心的新主人.

Apricot從此萬千寵愛於一身, 由於她的主人經常要離港工作,
我便成為了Apricot 的 '御用' dog-sitter.  可愛的Apricot文靜乖巧,
最重要的是她能與小霸王圓圓共處, 所以每當Apricot 需要來我家短住,
我都會義不容辭地應承.

我還記得當Apricot 初次來我家時, 只要我蹲在地上或稍微彎身,
 她都會以0.9秒跳到我大腿上, 然後把身子卷作一團, 就這樣睡在我的大腿上.
 而晚上她亦會悄悄跑上我的床上與我同眠, 我相信Apricot 曾是一個極受寵愛的小女孩,
但不知什麼原因, 給前主人無情的拋棄, 由得寵變成失寵.

Apricot 是數以千計被遺棄動物中, 幸運地得到新生的一個, 而每日還有無數的被棄動物,
無助地等待著'處決', 牠們沒有犯錯, 錯的只是人類自私 及 不負責任的行為.

各位, 當你們或你們身邊的人想養動物前, 除了要先衡量自己的條件(居住環境, 經濟能力,
家人支持, ...)外, 請你們亦先想清楚是否可以承諾對牠們一生一世, 不離不棄,
因為你將會主宰牠們的一生, 甚至牠們的生與死都操縱在你手裡!

Ve華狗叫哈佬喂!

日期: 10月22日(星期日)
地點: 西貢獅子會

10月22日，一個風和日麗的初秋星期天．十多隻打扮趣緻的狗狗出現於西貢獅子會，細問下，原來是一群狗主帶同牠們的愛犬預早慶祝萬聖節.

當中有戴上充滿節日氣氛花環的西施及哥基，有扮南瓜和獅子的松鼠犬，還有穿上和服的比熊犬，… 牠們各有特色，扮相可愛，更引來遊人觀看及拍照．

安排是次活動的jackie說，他們不屬於任何狗會，只是聚集一群愛護動物的朋友，一起帶愛犬出外郊遊，除玩樂外，亦分享養狗的心得及樂趣，更重要的是宣揚‘領養動物’的訊息．

不講不知，當日活動的狗狗們大部份都是領養回來的，當中更不乏名種犬，有：德國狼狗，西施，北京及松鼠犬等．牠們曾經是被人愛錫的寵物，但最終被人類以各式各樣的藉口而遺棄，可憐的小生命不但從此失寵，有些甚至因為人類這種不負責任的行為而失去性命．

眼前所見，小狗們在主人的照顧下，重建自信，活潑乖巧，更會做些小把戲來討零食，他人根本不知牠們是曾經被遺棄的一群，誰說只有買回來的動物才聰明才矜貴? 反之，曾被遺棄的動物更懂得珍惜，較為懂事，不愛撒野。
當日亦有幾位香港救狗之家(Hong Kong Dog Rescue)的義工帶同數隻只2個月大的混種犬隨團出發，他們期望跑到西貢碰碰運氣，為小孤雛找到新家庭．
 
如有興趣領養或參與他們的活動，請email 至 jcheung825@yahoo.com.hk
＊ 後記：當日4隻小孤雛其中3隻被領養，期望牠們在新家庭中健康快樂地成長，更期望更多有興趣養動物的人考慮領養，令小生命重生．

myQpet 3周年&追月BB蕉晚會

(失圖)

日期: 10月7日，中秋節翌日

地點: HKCWAC

好熱鬧，好多狗狗，好多野食，好多禮物，… …

http://www.fotop.net/carly/carly55