源興

因為老爹入左廠，所以今日同屋企人跨區食飯．

家姐一家好中意周圍食，今次介紹一間平民食店，好味兼抵食！

足料豬肺湯

油菜

攘雞翼

燒鵝半隻

叉燒

蒸魚

ｅ一餐好味兼抵食，難怪姨甥咁咀刁都讚不絕口．

＊同埋好奇怪，佢地一家去到邊都好似同店主好熟咁架．

環保貓砂

同事個唔知邊個邊個研發左隻環保貓砂

正在測試階段，成份係廚餘+豆渣，同事拎左包比巨貓試用．

我慶幸巨貓性格好麻甩，有得痾就得，唔會介意貓砂的品牌，但 …

忘記家中有粒長期處於饑餓狀態的傻丸，

整晚望住個貓砂盆 (唔通d貓砂仲有廚餘o既味道???)

陰公，第2朝仍然守盆待砂

最後我都係投降，填問卷果時話："此產品不適宜家庭有餓底使用"

巨貓入門一周年

轉眼巨貓已經入門一周年

本來怕貓o既我，上年膽粗粗去領養隻成貓．

好多人一聽到我養貓，第一反應就係問隻貓同阿丸夾唔夾，

其實夾唔夾o既o野，好多時都係人為o既，

與其話貓狗夾唔到，不如話係人類無耐性比時間佢地去互相適應．

至於我本人，就由每日雙手抓痕累累，

變到而家勉強可以偷雞同佢剪1,2隻指甲，都算係咁啦．

其實無咩要求，但求佢地健康，我就心滿意足．

希望巨貓都滿意我e個半及格媽媽 :)

六榕素菜館

一行四人去食素

今次目標係佐敦六榕

ｅ味素蝦炒蛋獲得最多好評

咖哩南瓜o既味濃左d

我覺得六榕水準比上次素buffet果間更好

以後食素又可以多個選擇 lu~

夏日小聚 x 十兀慶生

香港o既夏天真係好似火爐一樣咁焗，
尤其狗地披住件皮草，戶外活動就更加危險．

所以媽媽安排左個室內party，等大家見下面又可避開炎炎夏日．

先黎影番幾幅大合照 

D食物 ready 喇

都我至醒，近廚得食！

食到咁上下，突然有個 birthday cake 出現．

多謝咁多位姐姐竟然記得媽咪o既生日，媽咪o既生日願望當然離不開狗地，
佢祝大家身體健康，事事順利．

媽媽開心到連人地o既佈置都拆落埋影相

點解媽媽食食下走左佬？

到底去左邊呢？

唔係留低我埋單呀？？？

惟有乖乖等候

雖然媽媽唔o係身邊，但我都識乖乖o係尿墊上尿尿架．

平時尿完就會四萬咁樣，等媽媽獎我零食：）

無耐媽媽就番黎ｏ勒，原來隔離單位大減價，佢竟然走左去shopping！
好彩佢shop完ping，仲記得黎揍番我o者！

今日好多謝賞面黎e個比面派對o既朋友，
你地ｏ既關心同愛錫，我全部收到晒，我同媽咪都會努力加油！！！

無以為報，送幾個chok 樣醒你地啦~

仲有我o既絕技 --- 招牌捲脷 !!!

大喜屋 (飽魚 及 其他)

其實揀去大喜屋，主要係貪佢鮑魚任食．

整體都OK，唯一炸物令人有D失望． (燒菠蘿是 Good Choice)

溫泉蛋唔係間間有

甜品的款式都很多，不過 size 難以估計， 所以最好叫1件試下先．

例如 e 件 lemon cake ，原來係一口size．

但個 tart 又無啦啦大3倍咁大

最令我驚喜係 ...，竟然有 Movenpick 雪糕！