集體回憶 -- 荔園

上星期食完飯見涼涼地行出碼頭散下步，原來荔園已經重開．

迎賓o既係大象天奴，1個token就可以餵天奴食蕉．

掟中左，天奴會噴水又會叫，都幾搞笑架．

行入ｄ係恐龍屋，以前入面好似係鬼屋，
而家改為5米高的滑梯， 不過要3個token，$30 sir一sir 有d貴lor．

所以淨係影下相就算喇， 恐龍配高樓，影出黎o既效果都幾得意．

場內有好多舊式o既機動遊戲： 叮叮船，旋轉木馬，咖啡杯，…

場內仲有好多攤位遊戲，最經典當然係掟階磚， e d 攤位，最低銷費都要token x 3．

同埋佢送o既毛公仔唔太吸引，所以無興趣去玩．

但現場所見就都幾很多人排隊玩，

可能至在個氣氛，不過就算唔玩，都可以周圍影下相．

或者買幾件懷舊玩具/文具

我要做pet模

上星期臨危受命要去Emax負責一個event
因為資料&資源失奉，毫無頭緒，仲撞正父親節添!

半世人符符碌碌，慶幸身邊有幾位朋友，每當我甩左碌時，就會現身幫手．

多謝衣蝶&Bel 臨急來幫忙，有佢地撐住，個心淡定好多，

仲有happy媽，傻更更睇錯日期，早來1天，

但當日依然再來捧場，既捐款又頂替我去lunch．

還有嬌滴滴o既sasha，佢o既出現令個攤位都旺ｄ，

雖然個活動籌款不多，但有朋友在背後默默支持，感覺好warm!

多謝晒!

迄立半世紀 -- 醉瓊樓

醉瓊樓迄立灣仔已半個世紀

記得我細個果屎，老爹牛一都在醉瓊樓設宴．

相隔十多年再次幫襯，真係百般滋味在心頭．

老友介紹必食切雞!

例湯

又係老友介紹的炸蝦丸 (不過我就嫌熱氣左d)

連汁都撈埋o既海蔘煲!

奉送甜品

我地叫左3餸1湯的套餐，仲奉送糖水，5條友$490食到飽晒，認真超值 !!!

希望大家都多d幫襯下d小店，令不同類型的小店都有生存空間 !!!

Oak Tree

今日跟家姐去佐敦一家隱世扒房

E度無豪華裝修，只有友善的服務員，同埋高質素的食物．

先黎是日靚湯（唔記得係咩湯）

Appetiter (生蠔 & cold cut)Appetiter (生蠔 & cold cut)

Caser salad可以即場示範，看似簡單，其實都好多steps．

意粉o既做法更犀利，先煮熱意粉，然後放入一個cheese bowl，
熱力將cheese溶化，均勻地沾在意粉上．

香橙crepe，好多餐廳都唔肯做， 因為工序繁複，慶幸ｅ間仲肯現場做．

眼闊肚窄，我地仲order左一客牛扒，
但真係太飽，所以只好pack番屋企食． (據聞放左2日先食仍然好好味)

這裡還有菲藉歌手現場結他獻唱，唔會life band咁嘈，好舒服，好好聽， 

E D 小店而家買少見少，有機會多Ｄ去幫襯，值得珍惜！

來自遠方的禮物

雖然寫blog已經日漸息微，但慶幸仲有幾位blog友仍然保持聯絡，
難得有blog友從外地回港，相約見一見面(係見圓丸一面)．

愛丸及貓，送左個玩具比巨貓 (其實blog友本身是養貓的)．

巨貓對玩具好有要求，唔係樣樣都岩玩架．

估唔到佢對條魚魚咁有興趣

睇佢玩得幾肉緊

咬屎你！！！

多謝Ruby 同佢囡囡咁遠黎探我地，我家無一物都無咩可以款待你地，

多謝你地送比丸丸同巨貓的禮物，更多謝山長水遠帶2大袋禮物比我義賣，

你地o既心意，我全部收晒！

祝你地一家生活愉快

天師仔，charcoal & marble，身體健康，幸福快樂！

有時間要再番黎HK行下呀!!!

Osaka >> HKG

當我地ｏ係梅田地下街覓食之際，發現左ｅ個當地的食道街，
ｄ食肆都係以當地人為主，見唔到遊客．

而我地都係番去2番街度食魚生&壽司，因為實在太新鮮抵食．

第二朝，由於我地在HK預訂了Rapi:t機場列車，所以要去難波轉乘南海機鐵．

早上的地下鐵人來人往，我地拎住行李真係好論盡，最慘係Rapi:t票要到入閘口的樓下換，

幾經轉接先可以入閘，架車都開得咁滯，所以奉勸大家唔需要預訂．

反而去到先購買當時即將開出的列車更方便，

而且南海機鐵經常有優惠，當日只係＠11300yen，

計落我地只係慳左幾蚊港幣，超on居!

去到機場，check in 後，在3/F有 shops & restaurant，

黎左幾日我都無機會試炸豬排，所以叫了個炸豬排蕎麥麵定食，

食飽先上機，因為廉航係無o野食提供架．

HK Express 準時率都達80%以上，

回程我連機長o既 greetings都未講就已經瞓著，

睇黎廉航真係好岩我e種cheap人搭．

今次旅程買得最多係零食，仲買左ｄ家品 for charity sale 添．

日本人應該好中意貓，好多貓貓產品令人愛不釋手．

丸丸都唔弱，買左幾款 handmade 小食'孝敬'佢．

總括今次旅程都好滿意，好有新鮮感，趁日元低迷，希望再有機會去玩過．

Osaka 梅田 & DIY章魚燒

由嵐山坐阪急(在桂轉車)直接返大阪，可以節約不少時間．
我地返到大阪見時間尚早，順使行下梅田．

梅田地下街4通8達，轉個頭就已經蕩失路，我在當中不下問左4-5次路，

而店鋪幾多元化，我竟然買到傳說中的“魔力碗”，

還在阪急百貨公司幫朋友買到想要的東西．

(行程當中，我問了4間百貨公司都買唔到．)

阪急o既售貨員真係 Itchiban! ，我遇到那位的英語水平更是頂瓜瓜!

阪急的麵包平靚正!

HEP five !

有興趣可以搭摩天輪 !

但我地目的係佢後面果間章魚燒

o係街就見得多，難得有機會自己親自整．

先落餡料和麵粉漿

唔好心急，慢慢等佢成形．

成型後，翻動下(不要翻動得過密)．

大約15分鐘就有得食架喇 !